मेडिकल विद्यार्थी आत्महत्या : अमित देशमुखांची चौकशीची घोषणा

नाशिक : नाशिकच्या वसंतराव पवार मेडिकल कॉलेज हॉस्पिटलमध्ये स्वप्नील शिंदे या शिकाऊ डॉक्टरचा ( doctor) संशयास्पद मृत्यु (death) झाल्याने एकच खळबळ उडाली. याप्रकरणी वैद्यकीय शिक्षणमंत्री अमित देशमुख (minister Amit Deshmukh) यांनी चौकशीची घोषणा केली आहे. तसेच या मृत्यूचे नेमके कारण काय? याची अधिकृत माहिती अद्याप उपलब्ध नाही.तसेत याची शासन स्तरावर चौकशी घोषित करण्याच आल्याचे देशमुख यांनी सांगितले आहे.

चौकशीनंतरच या प्रकाराचा लागेल छडा

रॅगिंग या प्रकारात शासनाने नियंत्रण मिळवलं आहे. याबाबत शासनाने प्रतिबंधही घातले आहे. मुळात मृत मुलाची रॅगिंग झाल्याने मृत्यू झाल्याचे पालकांचे म्हणणे आहे. तसेच महाविद्यालय प्रतिनिधीचे याबाबत वेगळे मत आहे. परंतु चौकशीनंतरच याचा तपास लागू शकेल. मेडिकल कॉलेजमधील हा दुर्दवी मृत्यू असून याचे पोस्टमोर्टम व्हायचं आहे. याबाबत त्वरित पालकांशी संवाद साधण्यात येणार असल्याचे अमित देशमुख यांनी सांगितले.

मुलींच्या रॅगिंगचा बळी?

सुत्रांच्या माहितीनुसार कॉलेजमधील काही मुली त्याला मुद्दाम त्रास देत होत्या. त्याचा वारंवार मानसिक छळ केला जात असल्याचा आरोप स्वप्नीलच्या कुटुंबियांनी केला आहे. स्वप्नीलकडे आढळून आलेल्या सुसाइड नोटमध्ये त्याने रॅगिंग करणार्‍यांची नावेही दिली असल्याचा दावा त्याच्या कुटुंबियांनी केला आहे. पोलीसांकडून याबाबत तक्रार दाखल करून घेण्यास टाळाटाळ केली जात असल्याचा आरोपही करण्यात येत आहे. रॅगिंग प्रकरणातून स्वप्नीलचा घातपात झाल्याचा कुटुंबियांकडून आरोप करण्यात केला आहे. याप्रकरणी दोन मुलींसह कॉलेज प्रशासनावर गुन्हा दाखल करण्याची मागणी कुटुंबियांनी केली आहे. कुटुंबियांकडून करण्यात आलेल्या आरोपांचे कॉलेज प्रशासनाकडून खंडन करण्यात आले आहे

आडगाव पोलिस ठाण्यात गुन्हा दाखल

स्वप्नील महारु शिंदे (वय २६ रा. मेडीकल कॉलेज) मंगळवार (ता.१७) रोजी सुमारे ७ .३० वाजता मेडिकल कॉलेज येथील ऑपरेशन थिएटरच्या बाजूस असलेल्या वॉशरूम मध्ये बेशुद्ध अवस्थेत आढळून आला. त्यावर उपचार सुरू होते.स्वप्नील यास रात्री सुमारे १०.३० चे सुमारास डॉ. जितेंद्र खोडीलकर यांनी त्यास मयत घोषित केले. या प्रकरणी अकस्मात मृत्यूची नोंद आडगाव पोलिस ठाण्यात दाखल आहे.