सिडको : सिडको परिसरातील कामाठवाडे गावानजिक स्व.मीनाताई ठाकरे शाळेजवळ भर रस्त्यावर दोघा मित्रांच्या शुल्लक कारणाहून झालेल्या भांडणाचे रूपांतर हाणामारीत झाले.
यावेळी दुभाजकात पडलेल्या फरशीचे तुकडे डोक्यात घालून ३२ वर्षीय युवकाचा खून करण्यात आला आहे. (Argument between drunkard one threw stone other head Injured died accused in custody Nashik Crime)
याबाबत अधीक माहिती अशी की मयत आनंद इंगळे (३२, कामाठवाडे) व संशयित आनंद आंबेकर (२८, कामाठवाडे ) हे दोघे मित्र त्रिमूर्ती चौक परिसरात एका हॉटेल मध्ये मद्यपान करीत असतांना तेथेच त्यांच्यात झालेल्या शुल्लक कारणाच्या वादातून दोघांमध्ये बाचाबाची झाल्यानंतरही ते दोघे कामाठवाडे गाव परिसरानजीक आल्यानंतर दोघांमध्ये हाणामारी सुरु झाली. यावेळी संशयित आनंद आंबेकर याने मयत आनंद इंगळे याला जबर मारहाण करण्यास सुरुवात केली.
यावेळी मयत इंगळे याच्या डोक्यात संशयित आंबेकर याने दुभाजाकांमध्ये पडलेल्या फरशीचे तुकडे डोक्यात घातले. यावेळी येथील काही नागरिकांनी तात्काळ अंबड पोलिसांना याबाबत सूचित केले.
तर गंभीर जखमी असलेल्या आनंद इंगळे यास उपचारासाठी जिल्हा शासकीय रुग्णालयात दाखल केले असता उपचार सुरु असतांना आनंद इंगळे मयत झाल्याबाबत जिल्हा शासकीय रुग्णालयातील वैद्यकीय अधिकाऱ्यांनी घोषित केले. मयत आनंद इंगळे याच्या पश्यात आई, वडील, बहीण व भाऊ असा परिवार आहे.
संशयितावर अंबड पोलीस ठाण्यामध्ये खुनाचा गुन्हा दाखल करण्यात आला असून संशयित आनंद आंबेकर यास तात्काळ अंबड पोलिसांनी ताब्यात घेतले असून याबाबत अधिक तपास सुरु आहे.
घटनेचे गांभीर्य लक्षात घेता परिमंडळ दोनच्या पोलीस उपयुक्त मोनिका राऊत, सहाय्यक आयुक्त शेखर देशमुख, अंबड पोलीस ठाण्याचे वरिष्ठ पोलीस निरीक्षक दिलीप ठाकूर, वसंत खतेले, नाईद शेख, योगेश शिरसाठ आदिनसह पोलीस कर्मचारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
