Ashadhi Wari 2023 : आषाढी एकादशीनिमित्त पंढरपूरला यात्रा कालावधी दरम्‍यान महाराष्ट्र राज्‍य मार्ग परिवहन महामंडळातर्फे जादा बसगाड्या उपलब्‍ध करून दिल्‍या जाणार आहेत.
रविवार (ता.२५) पासून ४ जुलैपर्यंत नाशिक विभागातून २९० बसगाड्या भाविकांच्या सेवेसाठी सोडल्‍या जाणार आहेत. या संदर्भात महामंडळातर्फे जादा बसगाड्यांचे नियोजन आखण्यात आले आहे. (Ashadhi Wari 2023 290 msrtc bus till 4 july for Pandharpur from Sunday nashik news)
पंढरपूर यात्रा आषाढ शुद्ध सप्तमीनिमित्त रविवार (ता.२५) पासून ४ जुलै या कालावधीत यात्रा भरणार असून, गुरुवार (ता.२९) चा आषाढी शुद्ध एकादशीचा दिवस यात्रेचा मुख्य दिवस असणार आहे.
ही गोष्ट लक्षात घेता नाशिकमधील विविध आगारांतून पंढरपूरला जाणाऱ्या भाविकांच्या सेवेसाठी यात्रा कालावधीत २९० जादा बसगाड्या सोडल्‍या जाणार आहेत.
नाशिक एक आणि नाशिक दोन या आगारातील बसगाड्या महामार्ग बसस्‍थानक येथून सुटतील. याशिवाय मालेगाव आगारात मालेगाव नवीन बसस्‍थानक, रावळगाव येथून. सटाणा आगारातील नामपूर, देवळा, ताहाराबाद, सटाणा, मनमाडच्‍या मनमाड व चांदवड, सिन्नर डेपोच्‍या सिन्नर व वावीतून, लासलगाव आगारातील जादा बस लासलगाव, विंचूर, निफाड, चांदोरी येथून सुटणार आहेत.
हेही वाचा : Credit Card फसवणूक....काय घ्याल काळजी?
नांदगाव आगारातून जादा बसगाड्या उपलब्‍ध असतील. इगतपुरी आगारातील जादा बस इगतपुरी व घोटी येथून सुटतील. येवला, पेठ आगारातून जादा बस उपलब्‍ध असतील.
कळवण, वणी या ठिकाणावरून कळवण आगाराच्‍या तर पिंपळगाव बसवंत आगाराअंतर्गत ओझर व पिंपळगाव बसवंत येथून जादा बस भाविकांच्या सेवार्थ उपलब्‍ध असतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
