सिन्नर : सिन्नर-शिर्डी राष्ट्रीय महामार्गावर मंगळवारी रात्री अज्ञात वाहनाने धडक दिल्याने तीस वर्षीय दुचाकीस्वार युवकाचा मृत्यू झाल्याची घटना घडली. पांगरी गावाजवळ हा अपघात झाला. (Bike rider dies in collision with vehicle at sinnar Nashik Accident News)
अजित रमेश अभंग असे मृत तरुणाचे नाव आहे. तो वावी जवळच्या वल्लेवाडी येथील रहिवासी होता. मंगळवारी रात्री साडेनऊच्या सुमारास तो सिन्नरहून वावीकडे येत असताना पांगरी गावाजवळील उड्डाण पुलाजवळ हा अपघात झाला.
पांगरी गावातील उड्डाणपुलाचे काम बंद आहे त्यामुळे वाहनांना सर्विस रोडवर येऊन वावीकडे जावे लागते. या ठिकाणी अनेक वाहन चालकांची दिशाभूल होत असते.
अजित अभंग याच्या दुचाकीला पाठीमागून अज्ञात वाहनाने जोराची धडक दिल्याने तो उड्डाणपूल बंद करण्यासाठी ठेवलेल्या काँक्रीटच्या दुभाजकांवर पडला. डोक्याला गंभीर दुखापत झाल्याने अति रक्तस्त्राव होऊन त्याचा जागेवरच मृत्यू झाला.
मयत अजित याच्या पश्चात पत्नी, मुलगा, आई, वडील, भाऊ असा परिवार आहे. याप्रकरणी वावी पोलीस ठाण्यात अपघाताची नोंद करण्यात आली आहे. सहाय्यक पोलीस निरीक्षक चेतन लोखंडे यांच्या मार्गदर्शनाखाली हवालदार अमोल गोडे अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
