: सातपूर एमआयडीसीतील कंपनीत रात्रपाळीसाठी निघालेल्या कामगाराची दुचाकी दुभाजकाल आदळली आणि या अपघातात दुचाकीस्वार कामगार जागीच ठार झाल्याची दुर्दैवी घटना घडली.
सदरची घटना मध्यरात्री एबीबी सर्कल ते लवाटेनगर या रस्त्यावर घडली. (Bike rider killed after hitting divider Nashik Accident News)
विशाल अभिमान मासूळ-पाटील (२०, रा. डीजीपी नगर-१, आंबेडकरनगर, पुणे राेडजवळ, मूळ रा. चित्ताेड, जि. धुळे) असे मृत कामगाराचे नाव आहे.
विशाल हा रविवारी (ता. १३) मध्यरात्री दीड वाजता डीजीपीनगर येथून सातपूर एमआयडीसीतील कंपनीत रात्रपाळी ड्युटीसाठी दुचाकीने (एमएच १५ बीडब्ल्यू ०७१५) निघाला हाेता. ताे उंटवाडी सिग्नलकडून सिटी सेंटर माॅलच्या रस्त्याने जात असताना, मूहुर्त शाेरुमसमाेरील दुभाजकावर त्याची दुचाकी जाऊन आदळली.
हेही वाचा : Credit Card फसवणूक....काय घ्याल काळजी?
या अपघात गंभीर दुखापत हाेऊन ताे रक्ताच्या थाराेळ्यात निपचित पडून हाेता. ही घटना गंगापूर पाेलिसांना कळताच पाेलिस शिपाई एस. जी. पवार यांनी तत्काळ १०८ रुग्णवाहिका यंत्रणेस संपर्क केला.
यावेळी उपनिरीक्षक मुंढे, हवालदार रामदास खुळात दाखल झाले. त्यांनी विशाल याला उपचारार्थ जिल्हा रुग्णालयात दाखल केले असता डाॅ. पगार यांनी तपासून मृत घाेषित केले. तपास हवालदार खुळात करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
