लासलगाव : लासलगाव-विंचूर रस्त्यावरील मंजुळा पॅलेसजवळ दुचाकीस्वारास ट्रकने पाठीमागून जोरदार धडक दिली. या अपघातात दुचाकीस्वार जागीच ठार झाला. ही घटना सोमवारी (ता. २९) रात्री दहाच्या सुमारास घडली.
या प्रकरणी लासलगाव पोलिस ठाण्यात अपघाताचा गुन्हा दाखल झाला आहे. हवालदार रामदास घुमरे तपास करीत आहेत. (Bike rider killed in collision with truck Lasalgaon Vinchur road become death trap Nashik Accident News)
धारणगाव खडक येथील राहुल सुधाकर कानमहाले (वय ३१) दुचाकीवरून (एमएच १५, एफडब्ल्यू ४७६१) लासलगावकडून विंचूरकडे जात होता.
मंजुळा पॅलेसजवळ पाठीमागून येत असलेल्या ट्रकने (एमएच १८, एडी ५७६०) दुचाकीला जोरदार धडक दिली. या धडकेत दुचाकीस्वार राहुल कानमहाले जागीच ठार झाला.
दरम्यान, लासलगाव-विंचूर रस्ता मृत्यूचा सापळा बनत चालला आहे. या रस्त्यावर मोठ्या प्रमाणात अपघात होऊन अनेक लोकांचा बळी गेला आहे.
लासलगाव-विंचूर रस्त्याचे चौपदरीकरण करण्याची मागणी अनेक वर्षांपासून होत आहे. मात्र, त्याकडे सार्वजनिक बांधकाम विभागाचे दुर्लक्ष झाले आहे. या रस्त्यावरून मोठी वर्दळ असल्याने अपघातांचे प्रमाण वाढले आहे.
"लासलगाव-विंचूर रहदारीचा रस्ता असून, अपघातांचे प्रमाण वाढत आहे. या रस्त्याचे चौपदरीकरण व्हावे, या रोडवर कांद्याचे खडे व टोल वाचविण्याच्या दृष्टीने मोठी वर्दळ असते. यामुळे मोठ्या प्रमाणात अपघात होत आहेत. संबंधित खात्याने याकडे लक्ष देऊन लवकर चौपदरीकरण करावे."- संतोषशेठ पलोड, उद्योजक, लासलगाव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
