सिन्नर (जि. नाशिक) : शहरात वेगवेगळ्या ठिकाणी घरफोडी करणाऱ्या टोळीला जेरबंद करण्यात सिन्नर पोलिसांना यश आले असून एकूण ६ घरफोडींचे गुन्हे उघड झाले आहे. याप्रकरणी पोलिसांनी तिघा आरोपींना अटक केली आहे. (Burglary gang jailed in Sinnar 6 burglary solved 3 arrested nashik Latest Crime News)
तालुक्यात मागील काही दिवसांपासून चोरीच्या घटना वाढल्या आहेत. यामुळे घरफोडीचे गुन्हे उघडकीस आणण्यासाठी पोलिस अधिक्षक शहाजी उमप, अपर पोलीस अधिक्षक माधुरी कांगणे, उपविभागीय पोलीस अधिकारी सोमनाथ तांबे यांनी दिलेल्या सूचनेप्रमाणे सिन्नर पोलिस ठाण्याचे निरीक्षक संतोष मुटकुळे, सहाय्यक पोलिस निरिक्षक विजय माळी यांच्या मार्गदर्शनाखाली चोरट्यांचा तपास सुरु करण्यात आला होता.
यावेळी पोलिस अधिकाऱ्यांना मिळालेल्या गोपनीय माहितीच्या आधारे तीन ते चार महिन्यांत झालेल्या घरफोड्या या संशयीत आरोपी विनोद राजु पवार (३०, रा. एकता नगर, नायगाव रोड, सिन्नर), पापड्या उर्फ अक्षय भाऊसाहेब जाधव (२६, रा. लोंढे गल्ली, सिन्नर), आदित्य दशरथ माळी (२१, रा. डुबेरे, ता. सिन्नर) यांनी केल्याची खात्रीशीर माहिती मिळाली.
त्यानंतर पोलिस उपनिरीक्षक सुदर्शन आवारी, पोलिस नाईक समाधान बोऱ्हाडे, एस.पी.शिंदे, कृष्णा कोकाटे, ए. आर. काकड, के. डी. पवार यांच्या पथकाने सापळा रचून या संशयितांना ताब्यात घेतले. पोलिस तपासात त्यांनी शहरातील रेणुकानगर, कानडी मळा, मंगलमुर्ती हाईटस, सरदवाडी रोड, वृंदावन नगर, आटकवडे सुळेवाडी (ता.सिन्नर) या ठिकाणी दिवसा घरफोड्या चोऱ्या केल्याची कबुली दिली.
संशयितांकडून ४ लाख २ हजार ४७६ रुपयांचा मुद्देमाल हस्तगत केला. या गुन्ह्यांचा योग्य तपास केल्याने पोलिस अधिक्षक उमप यांनी तपास पथकास १० हजारांचे रिवॉर्ड देत गौरव केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
