ओझर : मुंबई-आग्रा महामार्गावरील जनार्दन स्वामी आश्रमाच्या समोर असलेल्या भारत पेट्रोलियमच्या पंपावर शुक्रवारी (ता. २५) रात्री एका कारला अचानक लागलेल्या आगीत कारचे मोठे नुकसान झाले असून, या संदर्भात ओझर पोलिस ठाण्यात कुठलीही तक्रार दाखल नसल्याचे पोलिसांनी सांगितले. एवढी मोठी घटना घडूनही पोलिसांत काहीही माहिती नाही, याबदल मात्र आश्चर्य व्यक्त होत आहे.
शुक्रवारी रात्री सव्वानऊ ते साडेनऊच्या सुमारास पिंपळगाव बसवंत येथून नाशिककडे जात असलेल्या बीएमडब्ल्यू कारने (एमएच ४३, एए ९००७) इंधन भरण्यासाठी सर्व्हिस रोडवरील भारत पेट्रोलियमच्या पंपावर प्रवेश केला असता, कारच्या पुढील बाजूने धूर येत असल्याचे व इंजिनखाली आग लागल्याचे पेट्रोल पंपमालक व कर्मचाऱ्यांच्या निदर्शनास आले. (Burning thrill of expensive car in Ozar Bharat Petroleum Police station unknown Nashik News)
हेही वाचा : मुदत ठेवीच्या मुद्दलातून टीडीएस कपात? इथे करा तक्रार....
पेट्रोलपंपावरील कर्मचारी हिरामण वालझाडे यांनी क्षणाचाही विलंब न लावता कारचालकास कार पुढे घेऊन जाण्यास सांगून पंपासमोर बाजूला थांबवली. दरम्यान, घटनेची माहिती पोलिसांना मिळाली असता त्यांनी एचएएल अग्निशमन दलास पाचारण केले.
एचएएल अग्निशमन दलाचे कर्मचारी व बंब पोचेपर्यंत कारने पेट घेतला व रौद्र रूप धारण केले होते. एचएएलचे फायर इन्स्पेक्टर प्रदीप आहेर, फायरमन ललित केदार, रोहन हिरे, घुमरे, अनिल भालेराव, प्रदीप मोटकरी यांनी पाण्याचा वापर केला. त्यानंतर आग विझविण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
