Assembly Elections 2023 Result : नाशिक भाजपा कार्यालयात विजयाचा जल्लोष; ढोलताशांवर नाचले पदाधिकारी

Assembly Elections 2023 Result : पाच राज्यातील विधानसभा निवडणुकीचा निकाल जाहीर झाला आहे. यात प्रामुख्याने राजस्थान, मध्यप्रदेश आणि छत्तीसगढमध्ये भाजपाने बहुमत मिळविले.

या विजयाचा आनंदोत्सव एन डी पटेल रोडवरील भाजपा कार्यालयात साजरा करण्यात आला. यावेळी ढोलताशाच्या तालावर पदाधिकारी व कार्यकर्त्यांनी थिरकत जल्लोष केला. त्यानंतर पेढयांचे वाटप करीत आनंदोत्सव साजरा केला. (celebration in BJP office over winning Assembly Elections 2023 Result nashik news)

राजस्थान, छत्तीसगढमध्ये काँग्रेसची सत्ता उलथवून लावली तर मध्यप्रदेशमध्ये आपली सत्ता कायम राखत भाजपाने सत्तेच्या जवळ पोहोचली आहे. या तीनही राज्यांमध्ये गेल्या दोन म.िहन्यांपासून विधानसभा निवडणुकीची धामधूम सुरू होती. मध्यप्रदेशात गेल्या महिन्यात २५ तर, राजस्थान, छत्तीसगड आणि तेलंगणामध्ये गेल्या १ डिसेंबर रोजी मतदान झाले होते. राजस्थान, छत्तीसगढ आणि मध्यप्रदेश या उत्तर भारतातील मोठ्या राज्यांमध्ये भाजपाचे मोठा विजय मिळविला आहे.

त्या विजयाचा जल्लोष करण्यासाठी नाशिकच्या एन.डी. पटेल रोडवरील शहर भाजपा कार्यालयात पदाधिकारी व कार्यकर्ते जमा झाले होते. यावेळी ढोलताशांच्या आवाजात पदाधिकारी-कार्यकर्त्यांनी विजयी जल्लोष केला.

तसेच, मिठाई, पेढ्यांचे वाटप करीत आनंदोत्सव साजरा केला. यावेळी भाजपाचे प्रदेश प्रवक्ते लक्ष्मण सावजी, शहराध्यक्ष प्रशांत जाधव, विजय साने, माजी महापौर सतिश कुलकर्णी, माजी शहराध्यक्ष गिरीश पालवे, आमदार सीमा हिरे, महेश हिरे, ॲड. शाम बडोदे, अविनाश पाटील, महिला आघाडीच्या प्रदेश चिटणीस माधुरी पालवे-पडार, अविनाश पाटील, धनंजय माने, राकेश डोमसे, स्मीता बोडके, अमित घुगे, शाहीन मिर्झा, गुलाब सईद, युवा मोर्चा अध्यक्ष सागर शेलार, अमोल पाटील, प्रदेश प्रवक्ते गोविंद बोरसे, अरुण शेंदुर्णीकर, ॲड. श्रीधर व्यवहारे, हेमंत शुक्ल, राजेद्र महाले, अजिंक्य साने, सोनाली ठाकरे, प्रकाश जडे, अमोल गांगुर्डे आदींसह पदाधिकारी, कार्यकर्ते उपस्थित होते.