Nashik News : माध्यमिक व उच्च माध्यमिक शिक्षण मंडळाच्या नाशिक विभागीय अध्यक्षाची प्रभारी जबाबदारी असलेले नितीन उपासनी आज सेवानिवृत्त झाले.
यानंतर विभागीय अध्यक्षपदाचा प्रभारी कार्यभार शिक्षण उपसंचालक डॉ.भाऊसाहेब चव्हाण यांच्याकडे सोपविण्यात आला आहे. (Chavan holds charge of education board chairmanship Nitin Upasani retired Nashik News)
हेही वाचा : Credit Card फसवणूक....काय घ्याल काळजी?
नितीन उपासनी यांनी नाशिक क्षेत्रात महापालिका शिक्षण विभागात प्रशासनाधिकारीपदापासून तर शिक्षण उपसंचालकपदापर्यंत विविध जबाबदाऱ्या पार पाडल्या आहेत. सध्या त्यांची नियुक्ती शिक्षण मंडळाचे मुंबई विभागीय अध्यक्ष म्हणून केलेली होती.
यासोबत त्यांच्याकडे नाशिक विभागीय मंडळाच्या अध्यक्षपदाचा प्रभारी कार्यभार होता. वयोमर्यादेनुसार सोमवारी ते सेवानिवृत्त झाले. तत्पूर्वी नाशिक जिल्हा दौऱ्यावर असलेल्या शालेय शिक्षणमंत्री दीपक केसरकर यांच्या हस्ते त्यांचा सेवापूर्ती सत्कार काल (ता.३०) शिक्षण मंडळ कार्यालयात करण्यात आला.
त्यांच्या निवृत्तीने विभागीय अध्यक्षपदाचा प्रभारी कार्यभार नाशिकचे शिक्षण उपसंचालक डॉ.भाऊसाहेब चव्हाण यांच्याकडे सोपविण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
