नाशिक : राजकीय नेत्यांची मुले राजकारणात प्रवेश करतात यात नवीन काही नाही. ठाकरे कुटुंबात देखील असाच राजकीय वारसा चालत आलेला आहे. शिवसेनाप्रमुख बाळासाहेब ठाकरे यांच्याकडून हा वारसा राज्याचे मुखमंत्री उध्दव ठाकरेंना मिळाला. हाच वारसा पुढे चालवण्यासाठी उध्दव ठाकरे यांचे धाकटे चिरंजीव तेजस ठाकरे (Tejas Thackeray) हे राजकारणात प्रवेश करतील का याबद्दल जोरात चर्चा सुरु आहे.
मुख्यमंत्री उद्धव ठाकरे यांचे पुत्र तेजस यांचा आज वाढदिवस असून, ते राजकारणात येणार असल्याचे सूतोवाच केले जात आहे. भुजबळ आणि शिवसेना यांचा जवळचा संबंध असल्याने भुजबळ यांना तेजस ठाकरेंच्या राजकारणाच्या एन्ट्रीच्या चर्चेबाबत विचारले असता ते म्हणाले, की, तेजस अतिशय अवघड आहे, तो माझ्या डोक्याबाहेरचा विषय आहे. जीवसृष्टी या विषयात त्याचा गाढा अभ्यास आहे. विज्ञानाची कास सोडून तो राजकारणात येईल, असे मला वाटत नाही. , पण तरी त्याला वाढदिवसाच्या शुभेच्छा देतो. त्याबाबतचा निर्णय ठाकरे कुटुंबीयच घेतील. युवकांनी राजकारणात आले पाहिजे, असे मतही त्यांनी व्यक्त केले.
ऑपरेशन कमळ होणार नाही
दिल्लीत भाजपची बैठक होत आहे. राज्यातील नेते दिल्लीत गेले आहेत, त्यावरही त्यांनी भाष्य केले. दिल्लीत काहीही होऊ द्या, कितीही बैठका होऊ द्या. पण राज्यात ऑपरेशन कमळ होणार नाही. भाजप-मनसे एकत्र येत असेल, तर चांगली गोष्ट आहे. लोकशाहीत सर्वांना एकत्र येण्याचे अधिकार आहेत. शेवटी कुणाच्या बाजूने कौल द्यायचा, हे लोक ठरवत असतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
