Child Marriage Free India: जिल्ह्यात बालविवाह मुक्त भारत अभियान

Child Marriage Free India : कैलाश सत्यार्थी चिल्ड्रन फाउंडेशन व जिल्हा महिला व बाल विकास अधिकारी कार्यालयांतर्गत जिल्हा बाल संरक्षण कक्ष तसेच मविप्रच्या समाजकार्य महाविद्यालय व चाइल्ड हेल्पलाइन यांच्या संयुक्त विद्यमाने नाशिक तालुका व ग्रामीण भागातील १२० गावांत बालविवाहमुक्त भारत अभियान राबविण्यात आले. (Child Marriage Free India Campaign in District nashik)

गावातील बालविवाह प्रथा बंद करण्यासाठी प्रत्येक घरात बालविवाह प्रतिबंधचा संदेश देण्यात आला. कैलाश सत्यार्थी यांच्या मार्गदर्शनाखाली महिलांची रॅली काढण्यात आली.

या संस्थेचे कर्मचारी कायदे सल्लागार ॲड विद्या चव्हाण, गीतांजली पवार, तुषार सूर्यवंशी यांनी नियोजन केले.

अभियानासाठी समाजकार्य महाविद्यालयाचे प्राचार्य डॉ. विलास देशमुख यांनी विद्यार्थ्यांच्या माध्यमातून सहकार्य केले. बालविवाह निर्मूलन याबाबत सकारात्मक विचारसरणी कार्यक्रमांतून समाजासमोर मांडण्यात आली.

रॅलीदरम्यान गावातील सरपंच, सदस्य, अंगणवाडी सेविका, बचतगटातील महिला, युवक-युवतींचा प्रतिसाद मिळाला. समाजकार्य महाविद्यालयातील प्रा. सुनीता जगताप व मनीषा शुक्ल यांनी मार्गदर्शन केले.