Nashik Satyajit Tambe : सरकारी नोकरीत अनाथांसाठी आरक्षण आहे. परंतु त्यात अनेक अडचणी असल्याचे समोर आले आहे. या गोष्टीचे गांभीर्य लक्षात घेऊन अनाथ मुलांचे असे अनेक प्रश्न सोडविण्यासाठी शासनदरबारी प्रयत्न करणार असल्याची ग्वाही आमदार सत्यजित तांबेंनी दिली.
अनाथ मुलांनी आमदार तांबेंना मागण्यांचे निवेदन दिले. या वेळी सरकारी नोकरीतील येणाऱ्या समस्या मुलांनी मांडल्या. (Committed to solving problems of orphaned youth by satyajit tambe nashik news)
‘अनाथांची माय’ म्हणून ओळख असलेल्या सिंधूताई सपकाळ यांचा स्मृतिदिनाचे औचित्य साधून महाराष्ट्रातील काही अनाथ युवक-युवतींनी मुंबईमध्ये आमदार तांबेंची भेट घेतली. तसेच अनाथांच्या प्रश्नांवर कार्यरत असणाऱ्या आमदार श्रीकांत भारतीय यांच्याशी देखील मुलांची भेट घालून दिली. त्यांनीही हे सर्व प्रश्न सोडविण्याचे आश्वासन दिले.
प्रमिलासारख्या पालकांचे छत्र हरपलेल्या होतकरू मुलांना उभारी घेण्याकरिता मायेचा हात देण्याची नितांत गरज आहे. पुरेशा मदतीअभावी या मुलांच्या आयुष्याची दिशा हरवून जायला नको, म्हणून त्यांचे प्रश्न सोडविण्यासाठी मी यापुढेही कटिबद्ध असणार आहे, असे आमदार तांबेंनी सांगितले. आमदार तांबे यांच्याकडून सातत्याने याप्रश्नी विधान परिषदेत आवाज उठविला आहे.
''धुळ्याची प्रमिला शिरसाठ ही नागपूरच्या हिवाळी अधिवेशनादरम्यान पहिल्यांदा भेटली. बालपणातच पितृछत्र हरपलेल्या प्रमिलाने स्वतःच्या जिद्दीवर समाजकार्य विषयात पदवीपर्यंतचे शिक्षण पूर्ण केले आहे, या गोष्टीचे खूप कौतुक वाटले. परंतु, ‘मला कोणीच नाही’ अशी खंत तिने बोलून दाखविल्यावर मात्र मन हेलावले. त्या वेळी त्यांचे प्रश्न शासनाच्या माध्यमातून सोडविण्याचा निर्धार केला आहे.''- सत्यजित तांबे, आमदार
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
