नाशिक : निर्बंध शिथिलीकरणानंतर (unlock nashik) शहरात उसळणाऱ्या गर्दीच्या नियंत्रणासाठी प्रशासकीय पातळीवर उपाययोजना विचाराधीन असतानाच गुरुवारी (ता.३) राज्यात निर्बंध शिथिल केल्याच्या वृत्तामुळे शहर-जिल्ह्यात लॉकडाउनला (lockdown) कंटाळलेल्या नागरिकांच्या अपेक्षा उंचावल्या. मात्र जिल्हा प्रशासनाने सायंकाळी उशिरा आदेश जारी करीत असे कुठलेही निर्बंध उठले नसल्याचे स्पष्ट केले. (Confusion-due-lockdown-restrictions-in-Nashik-marathi-news)
जिल्ह्यात नागरिकांच्या अपेक्षा उंचावल्या.
राज्यात पाच टक्क्यांच्या आत संसर्ग असलेल्या जिल्ह्यातील लॉकडाउनचे निर्बंध शिथिल झाल्याच्या दूरचित्रवाहिन्यांवरील वृत्ताने सायंकाळी जिल्ह्यात नागरिकांच्या अपेक्षा उंचावल्या. सगळीकडे उत्साहाचे वातावरण तयार झाले. सोशल मीडियासह प्रसारमाध्यमांच्या कार्यालयात विचारणा होत असताना जिल्हा यंत्रणेने त्वरित अद्याप असा कुठलाही आदेश नाही. त्यामुळे राज्य शासनाच्या आदेशानंतर पुढील निर्णय जाहीर होईल, असे स्पष्ट केले. काही वेळानंतर मुख्यमंत्री कार्यालयानेच ही अफवा असल्याचे मेसेज व्हायरल केले. यामुळे उद्यापासून दुकाने पूर्ण क्षमतेने सुरू करण्याच्या विचारात असलेल्या नागरिकांचा हिरमोड झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
