नाशिक : जिल्ह्यात कोरोनाचा प्रादुर्भाव घटत असला तरी ॲक्‍टिव्‍ह रुग्ण संख्या एक हजारावर स्‍थिरावलेली आहे. बुधवारी (ता.४) जिल्ह्यात ऐंशी रुग्‍णांचे अहवाल पॉझिटिव्‍ह आले. ९९ रुग्‍णांनी कोरोनावर यशस्‍वीरीत्‍या मात केली. एका बाधिताचा उपचारादरम्‍यान मृत्‍यू झाला. सध्या जिल्ह्यात एक हजार ०५२ बाधितांवर उपचार सुरु आहेत.
बुधवारी नाशिक महापालिका क्षेत्रात ३८, नाशिक ग्रामीण क्षेत्रात ३७, मालेगाव महापालिका क्षेत्रात एक तर जिल्‍हा बाहेरील चार रुग्‍णांचे अहवाल पॉझिटिव्‍ह आले. जिल्ह्यात एका बाधिताचा मृत्‍यू झाला असून, ही मृत व्‍यक्‍ती नाशिक महापालिका क्षेत्रातील आहे. दीर्घ कालावधीनंतर नाशिक ग्रामीणमध्ये कोरोनामुळे मृत्‍यूसत्र सध्या तरी थांबले असून, ही दिलासादायक बाब आहे.
सायंकाळी उशिरापर्यंत एक हजार २२३ अहवाल प्रलंबित होते. यापैकी नाशिक ग्रामीण क्षेत्रातील ८०४, मालेगाव महापालिका क्षेत्रातील २६९, नाशिक महापालिका क्षेत्रातील दीडशे रुग्‍णांना अहवालाची प्रतिक्षा होती. जिल्‍हाभरातील रुग्‍णालये व गृहविलगीकरणात ४२८ रुग्ण दाखल झाले. यापैकी नाशिक महापालिका क्षेत्रातील ३९८ रुग्‍णांचा समावेश आहे. जिल्‍हा रुग्‍णालयात दोन रुग्ण दाखल झाले. तर नाशिक ग्रामीणचे २७, मालेगाव क्षेत्रातील एका रुग्‍णाचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
