मालेगावात कोरोनाची दुसरी लाट येतेय आटोक्यात!

मालेगाव (जि. नाशिक) : महापालिका हद्दीत कोरोनाची (coronavirus) दुसरी लाट झपाट्याने आटोक्यात येत आहे. सोमवारी (ता. 31) सात नवे रुग्ण आढळले. तर उपचारादरम्यान दोघांचा मृत्यू झाला. रविवारी (ता. 30) 11 रुग्ण आढळले तर एका रुग्णाचा मृत्यू झाला. महापालिका हद्दीत आतापर्यंत 12 हजार 361 रुग्ण पॉझिटिव्ह आढळले. यापैकी 11 हजार 54 रुग्ण पुर्णपणे बरे झाले. 314 रुग्णांचा मृत्यू झाला. सध्या ॲक्टीव रुणांची संख्या 993 आहे. येथील 459 जणांचे अहवाल प्रलंबित आहेत.

शहरातील मुस्लीम बहुल असलेल्या पुर्व भागात नगन्य रुग्ण आहेत. कॅम्प-संगमेश्‍वरच्या पश्‍चिम भागात सर्वाधिक रुग्णसंख्या आहे. आठवड्यापासून महापालिका व खासगी रुग्णालयांमधील रुग्णसंख्या कमी झाली आहे. तालुक्याच्या ग्रामीण भागात अनेक गावे कोरोनामुक्त झाली आहेत. तालुक्यात ॲक्टीव रुग्णांची संख्या 322 पर्यंत खाली आली आहे. खरीप हंगामाच्या तोंडावर गावे कोरोनामुक्त होत असल्याने मोठा दिलासा मिळत आहे.(coronavirus update corona cases decreases in malegaon municipal area)