अस्वली स्टेशन (जि. नाशिक) : इगतपुरी तालुक्यातील कुऱ्हेगाव ग्रामपंचायत दलितवस्ती सुधार योजनेंतर्गत झालेल्या रस्त्याच्या कामात सुमारे चौदा लाख रुपयांचा भ्रष्टाचार झाल्याचा आरोप आरपीआय कामगार आघाडीचे जिल्हाध्यक्ष अमोल पवार तसेच सामाजिक कार्यकर्ते रवी पवार यांनी केला आहे.
याबाबत त्यांनी इगतपुरीच्या गटविकास अधिकारी लता गायकवाड यांना निवेदन देत दोषी व्यक्तीवर कारवाई करण्याची मागणी केली. तसेच जिल्हा परिषद मुख्य कार्यकारी अधिकारी आशिमा मित्तल यांच्याकडेही तक्रार दाखल करून उपोषणाचा इशारा दिला आहे. (Corruption of fourteen lakhs in Koregaon Dalit settlement improvement scheme nashik news)
राजवाडा परिसरात सिमेंट काँक्रीटचे अंतर्गत रस्ते ग्रामपंचायतीने शासनाच्या दलितवस्ती सुधार योजनेतून बनविले आहेत. रस्त्याच्या कामाची गुणवत्ता सुमार दर्जाची असून जमिनीवर साधी मलमपट्टी देऊन रस्ते तयार करण्यात आले आहेत.
सरपंच, पदाधिकारी व ठेकेदारांचे संगनमत असून, त्यांना संपूर्ण बिले अदा करू नये, बिले रोखवावीत; अन्यथा शासकीय पैशांचा अपव्यय होउ शकतो, असेही निवेदनात म्हटले आहे. येत्या आठ-दहा दिवसांत संबंधित दोषींवर कारवाई करावी; अन्यथा बेमुदत उपोषणाचा इशारा पवार यांनी दिला आहे.
या संपूर्ण प्रकरणाची आणि झालेल्या भ्रष्टाचाराची चौकशी व्हावी, यासाठी कुऱ्हेहेही वाचा : द मिसिंग टाइल सिंड्रोम ठेवा आपल्यापासून दूरगाव ग्रामपंचायतीचे काही विद्यमान सदस्यदेखील संबंधित अधिकाऱ्यांकडे मागणी करणार असल्याची माहिती सदस्यांनी दिली.
"आमच्याकडे कुऱ्हेगावच्या ग्रामस्थांनी निवेदन दिले आहे. रस्त्याच्या कामाबद्दल संबंधित अधिकाऱ्यांकडून योग्य ती चौकशी करून तसा अहवाल वरिष्ठ पातळीवर पाठविला जाईल. तसेच दोषींवर योग्य ती कारवाई करण्यात येईल."
-लता गायकवाड, गटविकास अधिकारी, इगतपुरी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
