Nashik Crime : गावठी कट्ट्यासह सराईत गुन्हेगारास अटक

नाशिक : मखमलाबाद रोड परिसरात गावठी कट्टा विक्री करण्यासाठी आलेल्या सराईत गुन्हेगाराच्या शहर गुन्हेशाखेच्या युनिट एकच्या पथकाने मुसक्या आवळल्या. (Criminal arrested along with Gavathi Katta Nashik Crime)

अरुण दिगंबर बिडगर (२६, रा. कोकण चाळ, रामवाडी, पंचवटी) असे संशयिताचे नाव आहे. युनिट एकचे अंमलदार प्रविण वाघमारे, प्रशांत मरकड यांना संशयितांची खबर मिळाली होती.

त्यानुसार पथकाने सराईत गुन्हेगार बिडगर यास सापळा रचून अटक केली. त्याच्याकडून ३० हजारांची गावठी कट्टा, एक जिवंत काडतुस जप्त केले आहे. याप्रकरणी पंचवटी पोलिसात गुन्हा दाखल करण्यात आला आहे.

सदरची कामगिरी युनिट एकचे पोलीस निरीक्षक विजय ढमाळ यांच्या मार्गदर्शनाखाली प्रविण वाघमारे, प्रदीप म्हसदे, विशाल काठे, संदीप भांड, योगीराज गायकवाड, प्रशांत मरकड, नाझीम पठान यांनी बजावली