Nashik Crime News : तळोशी येथील रहिवासी युवती व तिची बहीण घोटी येथे बाजारासाठी पायी जात असताना तळोशी येथील चांगदेव (दिलीप ) शेळके याने तिचा पाठलाग करून तिला मारहाण करीत तिची छेड काढली, अज्ञातस्थळी नेत विनयभंग केला.
याप्रकऱणी पोलिसांनी तरूणाला अटक केली आहे. संबंधित तरूण गुंड प्रवृत्तीचा असून नुकताच बलात्काराच्या गुन्हयात शिक्षा भोगून आलेला आहे. (criminal Arrested for molesting and beating girl nashik crime news)
संबंधित तरूणीने दिलेल्या फिर्यादीनुसार पोलिसांनी तत्काळ दखल घेत कार्यवाही केली. या घटनेतील संशयित चांगदेव उर्फ दिलीप तुकाराम शेळके (२६, वर्षे रा. तळोशी) याला अटक केली आहे.
फिर्यादीत म्हटले आहे, मंगळवारी (ता.१८) फिर्यादी व तिची बहीण तळोशी येथून घोटी येथे बाजारासाठी जात असताना चांगदेव (दिलीप) शेळके हा पाठलाग करत असल्याने माझ्या बहिणीने पाठलाग का करतो असे विचारले असता चांगदेव शेळके याने तळोशी शिवारात नदीवरील पुलानंतर घोटीकडे जाणाऱ्या रस्त्यावर बहिणीला शिविगाळ करून मारहाण केली.
हेही वाचा : Credit Card फसवणूक....काय घ्याल काळजी?
तिचे डोक्याचे केसं धरून खाली पाडून चांगदेव याने दोन्ही हाताने लज्जा उत्पन्न होईल असे कृत्य करून तिचा विनयभंग केला. आम्हा तिघां बहिणींना चांगदेव शेळके सतत त्रास देत असल्याने आमचे जगणे कठीण झाले आहे.
काही दिवसांपूर्वी शेळके यास बलात्काराच्या गुन्हयात शिक्षा झाली होती, मात्र तुरूंगातुन सुटून आल्यानंतर तो सतत आम्हा तिघां बहिणींना त्रास देत आहे. त्याने माझ्या बहिणीचा विनयभंग केला. त्याच्यापासून आमच्या जिवाला धोका आहे. पोलिसांनी नराधमास कठोर शिक्षा द्यावी असे फिर्यादित म्हटले आहे.
दरम्यान गावात मोलमजुरी करून जगणाऱ्या महिला, मुलींना अशा गावगुंडापासून त्रास होत असल्याने पोलिस प्रशासनाने त्याला हद्दपार करून कठोर शिक्षा द्यावी व महिला, मुलींची सुरक्षा करावी अशी मागणी स्थानिक नागरिकांनी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
