दत्तू भोकनळ यांना क्रिडा मंत्र्यांच्या हस्ते अर्जून पुरस्कार प्रदान

चांदवड (जि. नाशिक) : चांदवड तालुक्यातील तळेगाव रोहीचे भूमीपुत्र रोईंगपटू दत्तू भोकनळ यांना नवी दिल्लीत एका शानदार सोहळ्यात क्रिडा मंत्री अनुराग ठाकूर यांच्या हस्ते अर्जुन पुरस्कार प्रदान करण्यात आला. यावेळी दत्तू यांनी पत्नी अश्विनी सपत्नीक हा पुरस्कार स्विकारला.

दत्तू भोकनळ हे महाराष्ट्रातील रोइंग खेळातील पहिले अर्जुन पुरस्कार विजेते आहेत. दत्तू यांनी अत्यंत कठीण परिस्थितीत सराव करीत रोईंग मध्ये नैपुण्य मिळवले आहे. आशियाई स्पर्धेत व ऑलिम्पिक मध्ये त्यांनी सुवर्णपदकाची कमाई केली आहे.