नाशिक : प्रेमसंबंध तोडून विवाह केलेल्या प्रियसीने पुन्हा प्रेमसंबंध ठेवावेत, यासाठी संशयिताने बदनामी करणारे फोटो सोशल मीडियाद्वारे तिच्या पतीला पाठविले. घनश्याम दशरथ चौधरी (३०, रा. चाळीसगाव, जि. जळगाव) असे संशयिताचे नाव आहे. (Defamation of married girlfriend Suspect arrested Nashik crime Latest Marathi News)
पीडित विवाहितेने दिलेल्या फिर्यादीनुसार, विवाहपूर्वी संशयित चौधरी याच्याशी असलेले प्रेमसंबंध तोडून पीडितेने विवाह केला. त्यामुळे संशयिताने पीडितेवर नाराज होत पतीला सोडून परत प्रेमसंबंधात राहण्यासाठी मोबाईलद्वारे वेळोवेळी संपर्क साधत होता.
मात्र, पीडितेचा नकार असल्याने संशयिताने पीडितेसमवेतचे फोटो, व्हिडिओ, कॉल रेकॉर्डिंग पीडितेच्या पतीला सोशल मीडियाच्या माध्यमातून पाठवून पीडितेची बदनामी करून विनयभंग केला. याबाबत संशयिताविरोधात इंदिरानगर पोलिसांत गुन्हा दाखल झाला असून, संशयित चौधरीला चाळीसगावातून अटक करण्यात आली आहे. सहाय्यक पोलिस निरीक्षक सय्यद तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
