Deola Bazar Samiti : देवळा बाजार समितीची उद्या सभापती निवड प्रक्रिया

Deola Bazar Samiti : येथील देवळा कृषी उत्पन्न बाजार समितीच्या सभापती व उपसभापतीची निवडणूक मंगळवारी (ता. २३) दुपारी बाराला होणार असल्याची माहिती सहाय्यक निबंधक सुजय पोटे यांनी दिली.

सभापती व उपसभापती निवडीसाठी नामनिर्देशन वाटप, स्वीकृती, छाननी आदी प्रक्रिया सव्वा दहा ते पावणे अकरा दरम्यान तर प्रत्यक्ष निवडणूक व मतमोजणी पावणे अकरा ते पावणे बारा या वेळेत होऊन त्यानंतर निकाल घोषित केला जाणार आहे. (Deola Bazar Samiti Chairman selection process tomorrow nashik news)

हेही वाचा : Credit Card फसवणूक....काय घ्याल काळजी?

यासाठी या बाजार समितीच्या सर्व नवनिर्वाचित संचालकांना सभा अजेंडा देण्यात आले आहेत. या सभेच्या अध्यक्षस्थानी निवडणूक निर्णय अधिकारी म्हणून सहाय्यक निबंधक सुजय पोटे हे असणार आहेत.

या बाजार समितीच्या पंचवार्षिक निवडणुकीत सर्वपक्षीय शेतकरी विकास पॅनेलने १८ पैकी १७ जागा जिंकल्या आहेत. त्यामुळे यातून सभापती - उपसभापती पदाची माळ कुणाच्या गळ्यात पडते याबाबत उत्सुकता आहे.