Dharmarao Baba Atram News: कोण जितेंद्र आव्हाड, मी नाही ओळखत : मंत्री आत्राम

नाशिक : ‘कोण जितेंद्र आव्हाड, मी नाही ओळखत...’ असे राष्ट्रवादीचे नेते व अन्न व औषध प्रशासन विभागाचे मंत्री धर्माराव बाबा आत्राम म्हणाले.

माजी मंत्री व राष्ट्रवादीचे नेते जितेंद्र आव्हाड यांनी श्रीराम याच्याविषयी वादग्रस्त विधान केल्याने त्याबाबत मंत्री आत्राम यांनी विचारले असता, त्यांनी थेट ओळखतच नसल्याची प्रतिक्रिया दिली आहे. (Dharmarao Baba Atram statement trolling jitendra awhad nashik political)

माजी मंत्री व राष्ट्रवादीच्या शरद पवार गटाचे नेते जितेंद्र आव्हाड यांनी उपमुख्यमंत्री अजित पवार यांच्या गटावर एका सभेत टीका केली. त्याचवेळी त्यांनी, श्रीराम हे वनवासात असताना मांसाहार करीत असल्याचे वादग्रस्त विधान केले.

त्यांच्या या विधानाचे पडसाद राज्यभर उमटले आहेत. दरम्यान, राज्याचे अन्न व औषध प्रशासन विभागाचे मंत्री धर्माराव बाबा आत्राम हे विभागाच्या आढावा बैठकीसाठी आले असता, त्यांना जितेंद्र आव्हाड यांनी केलेल्या वादग्रस्त विधानाबाबत विचारण्यात आले.

त्यावेळी मंत्री आत्राम यांनी तर थेट जितेंद्र आव्हाड यांना आपण ओळखतच नसल्याचे म्हणाले.