नाशिक : लग्नमंडपात सुरू असलेली पाहुण्यांची रेलचेल, नवरा-नवरीच्या गळ्यात पडलेले हार, लॉकडाउन अनलॉक होताना पार पडलेले हे लग्न चर्चेत आले ते अक्षता पडताच नवरा-नवरीने लगेचच शेतात शिरले...आणि काय केले...तुम्हीच वाचा...
अक्षता पडल्या डोक्यावर...आणि ते थेट शेतात
मंगरूळ (ता. चांदवड) येथील शेतकरी अशोक निरभवणे यांची कन्या करुणा व कोकणखेडे येथील बाळू एळिंजे यांचा मुलगा संदीप यांचा गुरुवारी (ता. 11) मंगरूळ येथे सोशल डिस्टन्स पाळून विवाह पार पडला. एकीकडे लग्नाची रेलचेल, तर दुसरीकडे पेरणीची लगबग. एकीकडे सनई-चौघड्याचे सूर, तर दुसरीकडे पावसापूर्वी होणारा ढगांचा गडगडाट सुरू होता. अशात जोराचा पाऊस आलाच तर सासऱ्यांची पुढील काही दिवस पेरणी खोळंबेल, लग्न तर लागले मग पेरणी करण्यास काय हरकत आहे, असा विचार करून नवरदेव संदीप याने लगेचच शेत गाठत औत धरले. सर्जा-राजाच्या साथीने संदीप व करुणा या नवदांपत्याने भुईमूग पेरणी केली.
नवरा-नवरीने घेतला पेरणी करण्याचा निर्णय
चांदवड तालुक्‍यात सध्या शेतकऱ्यांची पेरणीची मोठी लगबग सुरू आहे, अशात आज एका बाजूला लग्न पार पडत होते, तर दुसरीकडे पावसाचे वातावरण झाल्याने नवरीच्या वडिलांनाही पेरणीची काळजी लागली होती. अशात नवरा-नवरीने पेरणी करण्याचा निर्णय घेतल्याने आम्हा सर्वांना शेतीला प्राधान्य देणाऱ्या या दांपत्याचा अभिमान वाटला. -वाल्मीक वानखेडे, नवरीचे मामा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.