अंबासन (जि. नाशिक) : येथील मोराणे रस्त्यावरील मोसम नदीजवळ असलेल्या ब्रिटिशकालीन बंधाऱ्या जवळ कत्तलीच्या इराद्याने दोरीने बांधून ठेवलेल्या ४१ जनावरांची पोलिसांच्या पथकाने सुटका केली. (District Biggest New Year Action 41 Rescue of animals Nashik Crime News)
अंबासन, मोराणे रस्त्यावरील यशोदा शेलार या महिलेने शेतातील घराजवळ कत्तलीच्या इराद्याने तब्बल ४१ जनावरे निर्दयपणे बांधून ठेवल्याची गुप्त माहिती अग्निवीर हिंदू संघटनेच्या कार्यकर्त्यांना लागताच संबंधित कार्यकर्त्यांनी पोलिस अधिक्षक शहाजी उमाप व माजी पोलिस महासंचालक प्रतापराव दिघावकर यांना माहिती दिली.
त्याप्रमाणेच जायखेडा पोलिस ठाण्यातील सहाय्यक पोलिस निरीक्षक श्रीकृष्ण पारधी यांनी अप्पर पोलिस अधीक्षक अनिकेत भारती व विभागीय पोलिस अधीक्षक पुष्कराज सुर्यवंशी यांच्या मार्गदर्शनानुसार तातडीने पोलिस उपनिरीक्षक तुषार भदाणे सह हवालदार राजेंद्र सोनवणे व गजानन गोटमवार यांनी रात्रीतून जनावरांवर निगराणी राखली.
मात्र संबंधित गोवंश वाहतूक करणाऱ्यांना कुणकुण लागताच जणांवर घेण्यासाठी आलेच नाहीत. पहाटे सहाच्या सुमारास पोलिस प्रशासन निर्दयीपणे बांधलेली जनावरे ताब्यात घेऊन पोलिसांनी घटनास्थळीच पंचनामा केला व अग्निवीर संघटनेच्या कार्यकत्यांच्या मदतीने गोशाळेत सदर गोवंश जातीच्या ४१ जनावरांची रवानगी करून जनावरांची मुक्तता केली.
यावेळी अग्निवीर हिंदू संघटना महाराष्ट्र राज्य अध्यक्ष ज्ञानेश्वर महाजन, रमेश चव्हाण, गणेश खैरनार, भूषण गुरव, मोहन शेवाळे, सचिन पाटील, विशाल गवळे, शुभम वाघ, गुरू पाटील, मयूर कासार, गणेश भामरे, वैभव भामरे, विशाल भामरे, बंटी शिंदे, प्रवीण भामरे, धीरज कोर, निशांत कोर, उमेश पगारे, चंद्रकांत कोर यांनी सहकार्य केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
