National Youth Festival : राष्ट्रीय युवा महोत्सवाचे उद्‍घाटन पंतप्रधान नरेंद्र मोदी यांच्या हस्ते होत असल्याने त्यासाठी जर्मन तंत्रज्ञानावर आधारित डोमचा उपयोग नाशिकमध्ये पहिल्यांदाच करण्यात येत आहे. तब्बल २०० फूट उंच आणि ८०० लांबीचा वॉटरप्रूफ मुख्य डोम उभारण्याचे काम अहोरात्र सुरू आहे.
विशेष म्हणजे संपूर्ण साउंड सिस्टिम ही नाशिकची राहणार आहे. ()
तपोवनातील मोदी मैदानावर शुक्रवारी (ता. १२) राष्ट्रीय युवा महोत्सवाचे उद्‍घाटन पंतप्रधान मोदी यांच्या हस्ते होत आहे. तपोवनातील १८ एकर मैदानावर ५० हजार लोकांची व्यवस्था करण्यात येत आहे. या मैदानावर मंडप, साउंड सिस्टिम व आसनव्यवस्थेची कामे प्रगतिपथावर आहेत.
त्यासाठी तब्बल ७०० कामगार अहोरात्र मेहनत घेत आहेत. यापूर्वी भुजबळ नॉलेज सिटीमध्ये झालेल्या साहित्य संमेलनाच्या वेळी वापरात आलेल्या डोमची उंची ९० फूट होती, तर या डोमची उंची तब्बल २०० फूट आहे. गुरुवार (ता. ११)पर्यंत हे काम पूर्ण होईल.
मोदी मैदानाची वैशिष्ट्ये
- पन्नास हजार लोकांची आसनव्यवस्था
- दोनशे फूट उंच, ८०० फूट लांब जर्मन तंत्रज्ञानावर आधारित वॉटरप्रूफ डोम
- संपूर्ण साउंड सिस्टिमची व्यवस्था नाशिकची
- गुरुवारी (ता. ११) संपूर्ण तयारीचे काम होणार पूर्ण
- ४० बाय १०० फुटांचे मुख्य स्टेज
- मुख्य व्यासपीठावर निवडक व्यक्तींनाच प्रवेश
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
