Dr. Ambedkar Jayanti : भारतरत्न डॉ. बाबासाहेब आंबेडकर यांच्या १३२ व्या जयंतीनिमित्त सीबीएसजवळील बाबासाहेबांच्या पुतळ्यास अभिवादन करण्यासाठी दिवसभर रीघ लागली होती.
जुन्या नाशिकमधील मोठा राजवाडा येथून सायंकाळी काढण्यात आलेल्या शोभायात्रेत एकोणीस चित्ररथ सहभागी झाले होते. सहभागी चित्ररथाद्वारे सामाजिक एकतेचा संदेश देण्यात आला.
मिरवणुकीत ढोल, लेसर शो, लाइव्ह व्हिडिओच्या धर्तीवर ‘जयभीम’चा गजर करत थिरकणारी तरुणाईने शोभायात्रेची रंगत वाढली. (Dr Ambedkar Jayanti Jayabhim alarm at closing procession of festival nashik news)
शालिमार येथील बाबासाहेबांच्या पुतळ्याजवळ शोभायात्रेची सांगता झाली. मोठा राजवाडा येथून सायंकाळी साडेसहाला शोभायात्रेस प्रारंभ झाला. माजी खासदार समीर भुजबळ यांच्या हस्ते नारळ वाढवत व पुष्पहार अर्पण करत मिरवणुकीस प्रारंभ झाला.
या वेळी माजी आमदार वसंत गिते, विनायक पांडे, संजय साबळे, मामा राजवाडे, रामसिंग बावरी, आनंद सोनवणे, हेमलता पाटील, लक्ष्मी ताटे, अर्जुन पगारे, दिलीप साळवे, ज्ञानेश्वर काळे, राहुल बर्वे, शरद काळे यांच्यासह भीमसैनिक मोठ्या संख्येने उपस्थित होते.
डॉ. बाबासाहेब आंबेडकर जन्मोत्सव समितीतर्फे भगवंत पाठक यांना समाजभूषण पुरस्काराने सन्मानित करण्यात आले.
मिरवणुकीत डॉल्बीच्या बेभान सुरांवर थिरकणारी तरुणाई उत्साहाच्या निळ्या लाटेवर स्वार झाली होती. मिरवणुकीत निळे झेंडे, गमजा, नीळ यांची रेलचेल होती. या वेळी जयभीमच्या घोषणा घुमत होत्या.
हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत
मोठा राजवाडा येथून निघालेली शोभायात्रा पुढे वाकडी बारव, दूध बाजार, संत गाडगे महाराज पुतळा, मेनरोड, धुमाळ पॉइंट, एमजी रोड, शिवाजी रोडवरील डॉ. बाबासाहेब आंबेडकर पुतळ्याजवळ मिरवणुकीची सांगता झाली.
आंबेडकरी कार्यकर्त्यांचा अमाप उत्साह होता. बहुतांश मंडळांनी स्वतंत्र लाइट, डीजे किंवा डॉल्बी सिस्टिम वापरली होती. प्रखर झोतांचे लेझर दिव्यांच्या लखलखाटांमुळे उत्साह संचारला होता.
लाइव्ह व्हिडिओ वॉलही काही मंडळांनी लावले होते. ठिकठिकाणी कार्यकर्त्यांच्या स्वागतासाठी विविध मंडळांनी स्वागत कक्ष उभे केले होते. याशिवाय अनेक ठिकाणी कार्यकर्त्यांसाठी पाणी, सरबत वाटप केले जात होते.
अभिवादनास लोटली गर्दी
शालिमार परिसरातील डॉ. बाबासाहेब आंबेडकर यांच्या पुतळ्यास अभिवादन करण्यासाठी गुरुवारी (ता.१३) मध्यरात्रीपासून तसेच शुक्रवारी सकाळपासून मोठी गर्दी उसळली होती.
सायंकाळी याच परिसरात शोभायात्रेची सांगता होणार असल्याने येथील वाहतूक वळविण्यात आली होती. अनेकांनी येथे सहकुटुंब सेल्फीचा आनंद लुटला. रात्री उशिरा या ठिकाणी शोभायात्रेची सांगता झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
