सबस्क्राईब करा
बिजोरसे (जि. नाशिक) : येथील शेतकरी रामराव शिवराम मोरे यांच्या कांदा चाळीला सोमवारी (ता. ६) शॉर्टसर्किटमुळे आग लागून लाखो रूपयांचे नुकसान झाले. मोरे यांनी पाचटापासून कांद्याची चाळ बनवलेली होती. जवळच लोंबकळलेल्या विज तारा एकमेकाला चिकटून वीज प्रवाह तयार होऊन कांदा चाळीने अचानक पेट घेतला. या घटनेत सुमारे पाच ते सहा ट्रॉली कांदा जळून खाक झाल्याने लाखो रुपयांचे नुकसान झाले.
लोंबकळलेल्या तारांबाबत महावितरण कंपनीला वेळोवेळी निवेदने देऊनही दखल घेण्यात आली नाही. त्यामुळे सदर दुर्घटना घडल्याचे शेतकऱ्याने सांगितले. कष्टातून पिकवलेल्या कांद्याचे काही क्षणात नुकसान झाल्याने रामराव मोरे यांच्यावर मोठे संकट कोसळले आहे.
महावितरण कंपनीचे जयप्रकाश पाटील, तलाठी विनोद सोनवणे यांनी नुकसानीची पाहणी केली. शेतकऱ्याला नुकसान भरपाई द्यावी, अशी मागणी शेतकरी रामराव मोरे, सरपंच राजेंद्र मोरे, शेखर मोरे, पोलिस पाटील अविनाश मोरे, प्रा. रवींद्र मोरे, धनंजय मोरे आदींनी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
