Nashik News : अवघ्या दोन आठवड्यावर गणेशोत्सव येऊन ठेपला आहे. लाडक्या गणरायाच्या स्वागतासाठी गणेशोत्सव मंडळांची जय्यत तयारी सुरू झाली आहे.
यासाठी गणेश मंडळांना अनेक परवानग्या महापालिका व पोलिस आयुक्तालयाकडून घ्याव्या लागतात.
त्यासंदर्भात नुकत्याच झालेल्या बैठकीनंतर, महापालिकेप्रमाणेच पोलिस आयुक्तालयातूनही गणेश मंडळांना देण्यात येणाऱ्या परवानग्यासाठी ई-स्वरूपात एक खिडकी योजना सुरू करण्यात येणार आहे. यामुळे गणेश मंडळांना मोठा दिलासा मिळणार आहे. (E One Window by Police Commissionerate Nashik News)
लाडक्या गणरायाची सारेच आतुरतेने वाट पाहतात. येत्या १९ सप्टेंबर रोजी गणरायाचे वाजतगाजत आगमन होणार आहे. त्यामुळे गणरायाच्या स्वागतासाठी गणेशोत्सव मंडळांकडून जय्यत तयारी सुरू आहे. अवघ्या काही दिवसांवर गणेशोत्सव येऊन ठेपला आहे.
त्यासाठी गणेश मंडळांना एक ना अनेक परवानग्यांसाठी महापालिका आणि पोलिस आयुक्तालयाकडे जावे लागते. महापालिकेने एक खिडकी योजना सुरू केली आहे. परंतु पोलिस आयुक्तालयात आत्तापर्यंत असे काही योजना नाही.
हेही वाचा : Credit Card फसवणूक....काय घ्याल काळजी?
त्यामुळे मंडळांनी पोलिस ठाण्यात अर्ज केल्यानंतर, त्यानंतर सहायक आयुक्त, उपायुक्त आणि अखेरीस आयुक्तालयातून परवानगी दिली जाते.
यंदा मात्र या सार्याला फाटा देत आयुक्तालयाकडूनही इ-स्वरूपाची एक खिडकी योजना सुरू करण्यात येणार असल्याचे आयुक्तालयाने संकेत दिले आहेत.
गणेश मंडळांना त्यांच्या कागदपत्रांची पडताळणी करून ना हरकत प्रमाणपत्र दिले जाणार आहे. यामुळे गणेश मंडळांना मोठा दिलासा मिळणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
