जळगाव- जिल्ह्यातील चोपडामध्ये धक्कादायक घटना घडली आहे. कमळगावच्या आठवडी बाजारात पाणीपुरी खाल्ल्यामुळे ८० जणांना विषबाधा झाली आहे. काही रुग्णांना चोपडा रुग्णालयात तर काहींना जिल्ह्या रुग्णालयात उपचारासाठी पाठवण्यात आले आहे. सदर घटनेमुळे नागरिकांमध्ये चिंतेचे वातावरण आहे.
मिळालेल्या माहितीनुसार, रुग्णांवर उपचार सुरू असून सर्वांची प्रकृती स्थिर आहे. कमळगाव येथील आठवडी बाजारासाठी चाचवणी, मितावली, पिंपरीसह आजूबाजूच्या भागातील गावकरी आले होते. अनेकांनी ही पाणीपुरी खाल्ली होती, तसेच अनेकांनी पाणीपुरी घरी पार्सल नेलं होतं.
पाणीपुरी खाल्ल्यानंतर अनेकांची तब्येत बिघडली. मंगळवारी सकाळी अनेकांना उलट्या, जुलाब, पोटदु:खी जाणवू लागली. त्यानंतर त्यांना खासगी हॉस्पिटलमध्ये दाखल करण्यात आले होते. सदर घटनेमुळे एकच खळबळ उडाली आहे. बाहेरचं खाताना नागरिकांनी काळजी घ्यावी असे आवाहन करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
