PM Modi Nashik Visit : प्रयोगशील शाळा म्‍हणून ओळख असलेल्‍या इस्‍पॅलियर स्‍कूलच्‍या बॅन्ड पथकानेदेखील शुक्रवारी (ता. १२) पंतप्रधान नरेंद्र मोदी यांच्‍या रोड-शोमध्ये सहभाग नोंदविला.
ड्रमसह विविध वस्‍तूंपासून साकारलेल्‍या या चिमुकल्‍यांच्‍या बॅन्ड पथकाचे सादरीकरण सर्वांसाठी लक्षवेधी ठरले. (Espalier School band team participated in Prime Minister Narendra Modis road show nashik news)
छत्रपती संभाजीनगर मार्गावरील या रोड-शोदरम्‍यान सकाळी इस्‍पॅलियर स्‍कूलच्‍या विद्यार्थ्यांचे हे बॅन्ड पथक उपस्‍थित होते. शिक्षण अभ्यासक सचिन जोशी यांच्‍या मार्गदर्शनाखाली विद्यार्थ्यांनी सहभाग नोंदविला.
या वेळी पालकमंत्री दादा भुसे, खासदार हेमंत गोडसे यांनी आवर्जून भेट देताना सादरीकरणाचे तोंडभरून कौतुक केले. ‘सुनो गौरसे दुनिया वालो...’ यांसह इतर विविध देशभक्तिपर गीते तालासुरात वाजविताना लक्ष वेधले होते.
बॅन्ड पथकाचे वैशिष्ट्ये म्‍हणजे वादनासाठी रंगांच्‍या व इतर टाकाऊ बाटल्‍यांचा उपयोग केलेला असून, त्‍यावर सामाजिक संदेशदेखील लिहिलेला आहे.
त्‍यामुळे पुन्हा उपयोग करताना या विद्यार्थ्यांकडून सादरीकरणादरम्‍यान जनजागृती करत दुहेरी उद्देश साध्य केला जातो आहे. शाळेचे संस्‍थापक सचिन जोशी यांच्‍या संकल्‍पनेतून बॅन्ड पथकाची स्‍थापना झालेली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
