नाशिक : महाराष्ट्र राज्‍य परीक्षा परिषदेतर्फे (Maharashtra State Examination Council) पूर्ण उच्च प्राथमिक शिष्यवृत्ती परीक्षा (Elementary Scholarship Examination) (इयत्ता पाचवी) आणि पूर्व माध्यमिक शिष्यवृत्ती परीक्षा (Pre-Secondary Scholarship Examination) (इयत्ता आठवी) २०२२ या परीक्षांच्‍या नोंदणीस मुदतवाढ दिली आहे. त्‍यानुसार आता इच्‍छुक व पात्र विद्यार्थ्यांना ३० एप्रिलपर्यंत नोंदणी करता येणार आहे.
मुदत संपत असतांना दुसऱ्यांदा या मुदतीत वाढ करण्याचा निर्णय घेतला आहे. ही शिष्यवृत्ती परीक्षा २० जुलैला राज्‍यातील सर्व जिल्‍ह्‍यांमध्ये एकाच दिवशी घेण्याचे प्रस्‍तावित आहे. त्‍याकरीता शाळा नोंदणी व ऑनलाइन (online) विद्यार्थी आवेदनपत्र भरण्यासाठी शनिवार (ता.२३) पासून ३० एप्रिल या कालावधीत मुदतवाढ दिलेली आहे. तसेच शुल्‍क भरण्याची प्रक्रिया पूर्ण करण्यासाठी २ मेपर्यंत मुदतवाढ दिलेली आहे. कुठल्‍याही परीस्‍थितीत ३० एप्रिलनंतर ऑनलाइन किंवा ऑफलाईन पद्धतीने आवेदन पत्र स्वीकारले जाणार नाही. तसेच २ मेनंतर शुल्‍क भरता येणार नसल्‍याचे स्‍पष्ट करण्यात आले आहे. या वाढीव मुदतीमुळे आणखी विद्यार्थ्यांना परीक्षेला सामोरे जाण्याची संधी उपलब्‍ध होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
