येसगाव (जि. नाशिक) : खरीप हंगामात उत्पादन घेऊन आपली आर्थिक घडी जोडण्यासाठी बळिराजा पुन्हा तयारी लागला असून खरीप हंगामासाठी त्याची लगीनघाई सुरू झाली आहे. बैलजोडी आणि आधुनिक यंत्रसामग्रीच्या माध्यमातून शेतकऱ्यांनी शेतीकामास सुरवात केली आहे. (farmer is ready for Kharif season nashik news)
सर्वत्र उन्हाळी कामांची लगबग सुरू झाली आहे. बऱ्याच भागात उन्हाळी भगवा कांदा काढून झाला आहे. नवीन पीक घेण्यासाठी शेतात नांगरणी सुरू झाली आहे. शेतातील खते टाकणे, हार्वेस्टरच्या साह्याने काढलेल्या गव्हाच्या काड्या जाळणे, उन्हाळ कांदा साठवून करणे, आदी कामात शेतकरी व्यस्त असून खरीप हंगामासाठी सज्ज होत आहे.
निसर्गात बदल झाल्यामुळे सातत्याने येणारे ढगाळ वातावरण, बेमोसमी पाऊस यामुळे शेती कामाचेही नियोजन बिघडत आहे. गुढीपाडव्यापासून नव्या आर्थिक वर्षाला सुरवात करणाऱ्या बळीराजाला आर्थिक संकटामुळे पुढील हंगामाच्या नियोजनाची चिंता लागलेली आहे. गुढीपाडव्याच्या मुहूर्तावर शेतकरी शेतात नांगरणीला सुरवात करतो.
हेही वाचा : जीएसटीसाठी नोंदणी केलीच नाही तर??
आर्थिक नियोजन करून ट्रॅक्टरच्या सहाय्याने शेतीतले काम केली जात आहेत. कल्टीवेटर, रोटावेटर, पल्टी नांगर तसेच आदी नवनवीन यंत्रामुळे कामे लवकरात लवकर होत आहे. ज्या शेतकऱ्यांकडे बैलजोडी आहे ते त्यांच्या माध्यामातून शेतात नांगरणी करत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
