जुनी शेमळी (जि. नाशिक) : जुनी शेमळी (ता. बागलाण) येथील गावासह परिसरात कोबी पिकावर करपा, डावणी रोगाच्या प्रादुर्भावामुळे शेतकरी चिंतातुर आहे. मोठ्या कष्टातून उभे केलेले पीक वाचविण्यासाठी सध्या शेतकऱ्यांची धावपळ सुरू आहे.
येथील परिसरात मोठ्या प्रमाणात कोबीचे उत्पादन घेतले जाते. ही कोबी गुजरात राज्यातील अहमदाबाद, सुरत, बडोदा मार्केटमध्ये विक्रीसाठी जाते. व्यापारीही शेतकऱ्यांच्या बांधावर येऊन कोबीची खरेदी करतात. मजुरांनाही रोजगार मिळतो. मात्र, या वर्षी परिसरात समाधानकारक पाऊस नसल्याने कोबी पिकावर रोगांचा प्रादुर्भाव दिसून येत आहे. त्यामुळे पिकांची वाढ खुंटली असून, शेतकऱ्यांचे नुकसान होत आहे. महागड्या औषधांची फवारणी करूनही रोगांचा प्रादुर्भाव आटोक्यात येत नसल्याने शेतकरी त्रस्त आहेत. उत्पादन खर्चात वाढ होऊन शेतकऱ्यांना आर्थिक फटका बसत आहे. येथील शेतकरी राहुल शेलार, श्रीराम वाघ, प्रशांत बच्छाव, रमेश शेलार यांनी दोन ते तीन एकरप्रमाणे कोबीची लागवड केली. मात्र, रोगांचा प्रादुर्भाव कमी होत नसल्यामुळे आर्थिक फटका सहन करावा लागत आहे.
कोबी पिकावर महागडी औषधफवारणी करूनही बदलत्या वातावरणामुळे करपा रोग आटोक्यात येत नाही. जोरदार पाऊस झाला तरच पिके चांगली येतील.
- राहुल शेलार, शेतकरी, जुनी शेमळी
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
