आमदारांच्या कन्येची आर्थिक फसवणूक; नाशिकमधील प्रकार

नाशिक : चक्क आमदार (MLA) कन्येचीच फसवणूक केल्याचा प्रकार नाशिकमध्ये समोर आला आहे. फसवणूक झाल्याचे समजताच कुटुंबीयांनी सरकारवाडा पोलीस ठाण्यात (sarkarwada police station) फिर्याद दिली. याप्रकरणी गुन्हा दाखल करण्यात आला आहे...नेमका प्रकार काय? वाचा सविस्तर (Financial-fraud-of-MLA-daughter-nashik-marathi-news)

चक्क आमदार कन्येचीच फसवणूक

आमदार कन्येस ऑनलाईन गंडा घातल्याचा प्रकार समोर आला आहे. केवायसी अपडेट करण्याचा बहाणा करून आमदार कन्येच्या खात्यातून परस्पर पैसे काढून घेतल्याचा प्रकार घडला.भाजपच्या आमदार प्रा. देवयानी फरांदे यांची कन्या सायली (वय ३१, रा. अजिंक्यतारा, कलानगर, गंगापूर रोड) यांच्या तक्रारीनुसार, शनिवारी (ता.१९) सकाळी साडेनऊ ते सव्वादहाच्या सुमारास त्यांना मोबाईलवर ८३४३०७००९८ या क्रमांकावरून फोन आला. एयरटेल कंपनीतून बोलत असून, मोबाईलच्या सिमचा केवायसी अपडेट करायचा आहे. असे सांगत ओटीपी क्रमांक मागून घेत, त्यांच्या ॲक्सिस बँकेतील खात्यातून ३४ हजार ८९१ रुपये काढून घेत ऑनलाइन आर्थिक फसवणूक केली. या प्रकरणी सरकारवाडा पोलिस ठाण्यात फसवणुकीचा गुन्हा दाखल झाला.