Nashik News : शेणवड बुद्रुक येथे सिलिंडरच्या स्फोटाने आग

Nashik News : शेणवड बुद्रुक येथे गॅस सिलिंडरचा स्फोट झाल्याने घराला मोठी आग लागली होती. शनिवारी (ता.८) मध्यरात्री अडीचच्या सुमाराला ही गंभीर घटना घडली.

यात अंदाजे १५ ते २० लाखांचे नुकसान झाल्याचा अंदाज आहे. घरास आग लागल्याचे समजताच आजूबाजूच्या ग्रामस्थांनी आग विझवण्याचे प्रयत्न केले. (Fire due to cylinder explosion at Shenwad Budruk nashik news)

शेणवडचे सरपंच कैलास कडू यांनी तातडीने घोटी पोलिस ठाण्याचे उपनिरीक्षक दत्तू खतेले, गांगुर्डे यांना माहिती दिली. घटनेची तात्काळ दखल घेत पोलिस घटनास्थळी हजर होऊन मदतकार्य करण्याबाबत सूचना दिल्या.

इगतपुरी नगर परिषदेच्या अग्निशामक बंबाला घटनास्थळी पाचारण करून आग विझवण्यात आली. इगतपुरी नगरपरिषद अग्निशामक दलाचे कर्मचारी नागेश जाधव आदी कर्मचाऱ्यांनी आग विझवण्यासाठी विशेष सहाय्य केले. सिलिंडरच्या स्फोटामुळे आजुबाजूच्या घरांना मोठा हादरा बसला. नथू गिळंदे यांच्या घरावरही आगीचे गोळे पडले होते.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

या घटनेमुळे आजुबाजूच्या एक दोन घरांनाही यामुळे आग लागल्याने त्या घरांचीही आग विझवण्यात आली. आगीच्या भक्ष्यस्थानी पडलेले घर काशिनाथ त्र्यंबक कोकाटे यांचे असून ते कालच परगावी गेलेले होते. सुदैवाने कोणतीही जीवितहानी झाली नाही. प्रशासनाने तात्काळ आगीचा पंचनामा करून नुकसान भरपाई द्यावी अशी मागणी सरपंच कैलास कडू यांनी केली आहे.

या प्रसंगी दत्तू कोकाटे, काळू दिवटे, भोरू दिवटे, कारभारी गिलांडे, सोमनाथ सारुक्ते, निवृत्ती गिळंदे, पांडुरंग गिळंदे, मिलिंद शिंदे, संदीप शिंदे, भरत गिळंदे, शिवाजी शिंदे, गौरव मुकणे, कारभारी कोकाटे, मुक्तीराम कोकाटे, नथू गिळंदे, वाळू रोंगटे, एकनाथ गिळंदे आदी ग्रामस्थांनी मदतकार्य केले.