PM Modi Nashik Visit : विविध रंगाच्या फुलांना कलेद्वारे आगळेवेगळे रूप देणाऱ्या ‘फ्लोरल आर्ट बाय अनुष्का’च्या संचालिका अनुष्का पाटील यांनी आपल्या कलेचा प्रभाव पंतप्रधान नरेंद्र मोदी यांच्या दौऱ्यात पाडला.
श्री काळाराम मंदिरातील श्रीरामास केलेला साज पाहून पंतप्रधान मोदींनी त्यांचे कौतुक केले. (Floral Art by Anushka adorns to pm modi Ram Sita and Lakshmana nashik news)
त्यांच्या गळ्यात वारकरी संप्रदायातर्फे घालण्यात आलेला हार पाहून ते अधिक भारावून गेले. ‘फ्लोरल आर्ट बाय अनुष्का’चा नाशिकपासून सुरू झालेला प्रवास जगभर पोचला आहे. आता सर्वसामान्यांपासून अतिमहत्त्वाच्या व्यक्तींकडील समारंभ व धार्मिक संस्थानामध्ये अनुष्का पाटील यांच्या कलेच्या आविष्काराला मागणी होऊ लागली आहे.
श्री काळाराम मंदिर संस्थानच्या पदाधिकाऱ्यांनी त्यां फुलांना कलेने देत असलेला साज पाहून शुक्रवारी श्री काळाराम मंदिरातील मूर्तींच्या फुलांचा साज व पंतप्रधानांसाठी तुळशीची माळ बनविण्याचे काम दिले होते. अनुष्का यांनी केलेला साज पाहून पदाधिकारीच नव्हे, तर पंतप्रधान मोदी यांनीदेखील त्यांचे कौतुक केले.
''संस्थानच्या पदाधिकाऱ्यांमुळे आज मला प्रभू श्रीरामाची सेवा जगमान्य नेता तथा आपले पंतप्रधान नरेंद्र मोदी यांच्यासाठी तुळशीची माळ बनविण्याचे भाग्य प्राप्त झाले. आज खऱ्या अर्थाने माझी कला जगमान्य झाली आहे.''-अनुष्का पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
