बँकेत तारण प्लॉट परस्पर नावावर करून फसवणूक

नाशिक : बँकेकडे तारण असलेल्या दोन प्लॉटवर एका संशयिताने बँकेचे अधिकाऱ्यांशी संगनमत करून सदरील प्लॉट परस्पर बँकेकडून खरेदी करीत फसवणूक केल्याचा प्रकार घडला आहे. (Fraud in bank by making plot in mutual name Nashik Latest Crime News)

याप्रकरणी गंगापूर पोलिस ठाण्यात संशयित प्रेम जगुमल कारडा याच्यासह इतर संशयितांविरुद्ध गुन्हा दाखल करण्यात आला आहे. आशुतोष रघुनाथ राठोड (रा. राजराजेश्वरी चौक, नाशिक रोड) यांच्या फिर्यादीनुसार, राठोड यांनी पंचक शिवारात दोन प्लॉटवर युनियन बँकेकडून एक कोटी रुपयांचे कर्ज घेतले होते.

राठोड यांनी मुदतीत कर्ज फेडले नव्हते. दरम्यान, जानेवारी २००३ ते नोव्हेंबर २००७ या कालावधीत संशयित कारडा याने कॉलेज रोडवरील युनियन बँक ऑफ इंडियाचे अधिकारी व कर्मचाऱ्यांशी संगनमत करून खोटे व बनावट कागदपत्र तयार करून सदरची मालमत्ता बँकेकडून खरेदी करीत राठोड यांची फसवणूक केली.