नाशिक : महापालिकेकडून पर्यावरणपूरक गणेशोत्सव स्पर्धा आयोजित केली जाणार आहे, अशी माहिती आयुक्त डॉ. चंद्रकांत पुलकुंडवार यांनी दिली. पर्यावरणपूरक उत्सवात नागरिकांचा सहभाग असावा, या उद्देशाने स्पर्धा आयोजित केली आहे. (Ganeshotsav 2022 Eco Friendly Ganeshotsav Competition by NMC nashik latest marathi news)
शाडू मातीपासून तयार केलेल्या पर्यावरणपूरक मूर्तीची प्रतिष्ठापना, पर्यावरणपूरक गणेशोत्सव आरास व विसर्जन करणाऱ्या उत्कृष्ट तीन घरगुती आरासची निवड स्पर्धेसाठी केली जाणार आहे. विजेत्यांना रोख स्वरूपाचे पहिले दहा हजार रुपयांचे पारितोषिक दिले जाईल. द्वितीय पारितोषिक पाच हजार रुपयांचे, तृतीय पारितोषिक तीन हजार रुपयांचे आहे.
महापालिका कार्यक्षेत्रातील नागरीकांनी स्पर्धेच्या अनुषंगाने शाडू मातीपासून तयार केलेल्या त्यांचे घरातील पर्यावरणपूरक श्री मूर्तीची प्रतिष्ठापना, पर्यावरणपूरक आरास व श्री विसर्जन इत्यादीचे छायाचित्र health.nashikcorporation@gmail.com या संकेतस्थळावर अपलोड करावे. सदर स्पर्धेच्या प्रवेशिका ११ सप्टेंबरपर्यंतच उपरोक्त संकेतस्थळावर स्वीकारण्यात येणार आहेत.
त्यानंतर आलेल्या प्रवेशिका विचारात घेतल्या जाणार नाहीत. संबंधित विभागीय अधिकारी हे त्यांच्या कार्यक्षेत्रातील घरगुती आरासांची प्रत्यक्ष पाहणी करून वस्तुनिष्ठ अहवाल गठित केलेल्या समितीकडे सादर करतील. प्राप्त अहवालांची पडताळणी करून सदर समिती अंतिम निर्णय घेईल. घनकचरा व्यवस्थापन विभागाने स्पर्धेचे नियोजन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
