Ganeshotsav 2023: मुंबई नाका मित्रमंडळ साकारतेय राजवाडा

Ganeshotsav 2023 : मुंबई नाका युवक मित्रमंडळाचे गणेशोत्सवाचे ५२ वे वर्ष आहे. युवक मित्रमंडळाच्या गणेशोत्सवाला शिवसेनाप्रमुख (स्व) बाळासाहेब ठाकरे, (स्व) आनंद दिघे यांनी भेट दिली आहे.

यंदाही विविध सामाजिक उपक्रम राबविण्याचा युवक मित्रमंडळाचा मानस आहे. मुंबई नाका युवक मित्रमंडळ वर्षभरात लाभार्थ्यांना विविध शासकीय योजनांचा लाभ देण्यासाठी शिबिरे आयोजित करीत असते. (Ganeshotsav 2023 Rajwada decoration by Mumbai Naka Mitramandal nashik)

आतापर्यंत हजारो लाभार्थ्यांना शासकीय योजनांच्या शिबिरातून लाभ झाला आहे. गणशोत्सवात मंडळाची मूर्ती शंभर वर्षे टिकेल, अशी बनविण्यात आली असून पेटंट करण्यात आली आहे. मूर्तीवर ३५ किलो चांदी, ५० तोळे सोन्याचे आभूषणे परिधान करण्यात येतात.

मंडळ दरवर्षी विविध क्षेत्रातील मान्यवरांना आमंत्रित करून आरती करण्याचा मान देते. महाप्रसादासह विविध उपक्रम गणेशोत्सव काळात राबविले जातात. मुंबई नाक्यावर यंदा युवक मित्रमंडळाने ३० बाय ४० फुटाचा राजवाडा साकारला आहे.

हेही वाचा : Credit Card फसवणूक....काय घ्याल काळजी?

प्रतिकृती पूर्ण झाल्यानंतर गणेशोत्सवात नाशिककरांच्या आकर्षणाचा केंद्रबिंदू राजवाडा ठरणार आहे. अशी माहिती मुंबई नाका युवक मित्रमंडळाचे अध्यक्ष किरण मोटकरी यांनी दिली.

मंडळाची वैशिष्ट्ये

-हजारो लाभार्थ्यांना शासकीय योजनांचा लाभ

-३० बाय ४० फुटाचा साकारला राजवाडा

- गणेशमूर्तींचे पेटंट, विविध सामाजिक उपक्रम