Nashik Crime: देवळालीगावात टोळक्याने केली 4 वाहने, 9 दुचाक्यांची तोडफोड; तिघांसह 2 अल्पवयीन मुलांना अटक

नाशिक : देवळाली गावात एकाच्या घरात घुसून सामानाची तोडफोड करत धुडगूस घालणाऱ्या टोळक्याने रस्त्यालगत पार्क केलेल्या ४ वाहनांसह व ९ दुचाक्यांची तोडफोड करीत दहशत माजविली.

उपनगर पोलिसांनी घटनास्थळी धाव घेत, काही तासांमध्ये दहशत माजविणाऱ्या टोळक्याला जेरबंद करीत गुन्हा दाखल केला आहे. (Gang vandalized 4 vehicles 9 bikes in Deoalaligaon 2 minors along with 3 arrested Nashik Crime)

अजिम मुजम्मिल शेख, फरहान जमीर खान, साहिर निसार नायर अशी अटक करण्यात आलेल्या संशयितांची नावे असून, दोन अल्पवयीन मुलांनाही पोलिसांनी ताब्यात घेतले आहे.

पोलिसांनी दिलेल्या माहितीनुसार, सोमवारी (ता. ८) रात्री जुन्या वादाची कुरापत काढत टोळक्याने हातात कोयते, तलवारी, लोखंडी रॉड घेऊन देवळाली गावातील एका व्यावसायिकाच्या घरावर चाल करून गेले.

टोळक्याने घरात घुसून सामानाची तोडफोड करीत दहशत माजविली. त्यानंतर या टोळक्याने रस्त्यालगत पार्क केलेल्या वाहनांकडे आपला मोर्चा वळविला आणि दिसले त्या वाहनांवर हत्यारांनी वार करीत नुकसान केले.

यामध्ये ९ दुचाक्याससह रिक्षा, कार, मालवाहू पिकअप अशा ४ वाहनांचीही तोडफोड करीत पसार झाले. घटनेची माहिती मिळताच उपनगर पोलीस ठाण्याचे वरिष्ठ पोलीस निरीक्षक विजय पगारे, गुन्हेशोध पथकाचे सहायक निरीक्षक सचिन चौधरी यांच्या पथकाने घटनास्थळी धाव घेतली.

त्याचप्रमाणे, परिमंडळ दोनच्या उपायुक्त मोनिका राऊत यादेखील घटनास्थळी पोहोचल्या. संशयितांची माहिती मिळताच गुन्हेशोध पथकाने काही तासात तिघा संशयितांसह दोन अल्पवयीन मुलांना ताब्यात घेत अटक केली.

या वाहनांची झाली तोडफोड

पीकअप (एमएच १५ इजी २९३९), स्पार्क कार (एमएच ०३ एआर ८८७३), वर्णा कार (एमएच १५ बीएक्स १०१९), ॲपे रिक्षा (एमएच १५ जेए ०१५६), ॲक्टिवा मोपेड (एमएच १५ जेजे ६१२४), ॲक्टिवा मोपेड (एमएच १५ एफएल ४६४५), ॲक्टिवा मोपेड (एमएच १५ सीआर ७५५९), बजाज बॉक्सर (एमएच १५ एआर ३७७), डिओ मोपेड (एमएच १५ जीझेड ९०६१), ज्युपिटर मोपेड (एमएच १५ जेएन ८०५९), स्प्लेंडर (एमएच १५ एव्ही ४१४६), स्प्लेंडर (एमएच १५ इएन ४४२४), डिलक्स (एमएच १५ ईएच ०१७३