Shasan Aplya Dari: शासन आपल्या दारी उपक्रमासाठी 10 हजार लाभार्थी जमविण्याचे उद्दिष्ट

Shasan Aplya Dari : राज्य शासनाच्या वतीने शासन आपल्या दारी हा उपक्रम नाशिकमध्ये येत्या शनिवारी (ता. १५)आयोजित करण्यात आला आहे.

या उपक्रमासाठी नाशिक महापालिकेला दहा हजार लाभार्थी जमविण्याचे उद्दिष्ट देण्यात आल्याने त्या अनुषंगाने महापालिका यंत्रणा कामाला लागली आहे. (Government aims to mobilize 10 thousand beneficiaries for Shasan Aplya Dari initiative nashik)

हेही वाचा : Credit Card फसवणूक....काय घ्याल काळजी?

राज्य शासनाच्या वतीने १५ जुलैला ‘शासन आपल्या दारी’ कार्यक्रमाचे नियोजन करण्यात आले आहे. त्या साठी नुकतीच बैठक पालकमंत्री दादा भुसे यांच्या अध्यक्षतेखाली झाली. शासन आपल्या दारी उपक्रमांतर्गत जिल्हाधिकारी कार्यालयाला विशेष सूचना देण्यात आल्या आहेत.

त्या अनुषंगाने जिल्हाधिकारी कार्यालयाने महापालिकेला देखील उद्दिष्ट निश्चित करून दिले आहे. जिल्ह्यातून एकूण ४० हजार लाभार्थी एकत्र केले जाणार आहे. त्यात नाशिक महापालिका क्षेत्रात तहसील कार्यालयासह दहा हजार लाभार्थ्यांना कार्यक्रमस्थळी आणण्याचे उद्दिष्ट निश्चित करण्यात आले आहे.

महापालिकेचा समाज कल्याण विभाग, महिला बालकल्याण विभाग गर्दी जमविण्याच्या कामाला लागले आहे. लाभार्थ्यांना कार्यक्रमस्थळावर आणण्यासाठी सिटी लिंक कंपनीच्या ११७ बस तैनात केल्या जाणार आहे.