Nashik News : पदवीधर युवकाला कुठेही नोकरी मिळत नसल्याने त्याने गळफास घेत आपली जीवनयात्रा संपविल्याची दुर्दैवी घटना घडली.
रोहीत संजय वाघ (२२, रा. आदित्य भवन, नासर्डी पुलाजवळ, द्वारका) असे या युवकाचे नाव असून, भाऊच आपला सांभाळ करीत असून त्यांना कोणतीही मदत करू शकत नसल्याचे शल्य त्यास बोचत होते.
यातूनच त्याने टोकाचा निर्णय घेतल्याने त्याने लिहून ठेवलेल्या चिठ्ठीतून समोर आले आहे. (Graduate youth commits suicide due to unemployment frustration Nashik News)
हेही वाचा : Credit Card फसवणूक....काय घ्याल काळजी?
रोहित याने पदवीचे शिक्षण पूर्ण केले होते. त्यामुळे तो नोकरीच्या शोधात होता. मात्र, प्रयत्न करूनही त्याला नोकरी मिळत नव्हती. त्याचा सांभाळ त्याचे भाऊच करीत होते. याच नैराश्‍यातून रोहित याने सोमवारी (ता. २६) रात्री राहत्या घरातील बेडरुममध्ये गळफास घेतला.
सदरची बाब लक्षात येताच कुटूंबियांनी त्यास उपचारासाठी जिल्हा रुग्णालयात दाखल केले असता, वैद्यकीय अधिकाऱ्यांनी तपासून मयत घोषित केले. याप्रकरणी भद्रकाली पोलिसात अकस्मात मृत्युची नोंद करण्यात आली आहे.
दरम्यान, रोहित याने गळफास घेण्यापूर्वी चिठ्ठी लिहून ठेवली होती. त्यात नोकरी नाही, मी भावंडाना हातभार लावू शकलो नाही, असे लिहिले आहे. या घटनेमुळे परिसरात हळहळ व्यक्त होते आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
