Nashik Fire Accident: पेठरोडला मोकळ्या मैदानातील गवतास आग

Nashik Fire Accident: पेठ रोडवरील मेहेर धाम येथील शिवतेज नगर मधील एस टी इंजिन वर्कशॉप पाठी मागे असलेल्या गवताच्या मैदानात अचानक आग लागली.

काही नागरिकांनी अग्निशामक दलाला तात्काळ संपर्क केल्याने वेळेत आग विझविण्यात यश आले. यामुळे होणारी मोठी हानी टळली आहे. (Grass in open field caught fire in peth road Nashik Fire Accident)

पेठ रोडवर एस टी इंजिन वर्क शॉपच्या पाठीमागे गवताला अचानक आग लागली. याबाबत माहिती मिळताच पंचवटी अग्निशामक केंद्रावरील एक बंब तात्काळ घटनास्थळी पोहचला आणि आग विझविण्यास सुरुवात केली. मात्र एस टी इंजिन वर्क शॉपच्या बाजूने मोठ्या प्रमाणत आग वाढत चालल्याने घटनास्थळी आणखी दोन बंब बोलाविण्यात आले.

एका बंबने वर्क शॉपच्या बाजूस असलेल्या रो हाऊस, घराकडे येणारी आग आटोक्यात आणली. तर दुसऱ्या बंबाने इंजिन वर्क शॉपच्या टायर व ऑईल डेपोकडे वाढत जाणारी आग आटोक्यात आणण्यात आली.

घटनास्थळी आगीवर नियंत्रण मिळवण्यासाठी पंचवटी केंद्राचे दोन बंब व पंचवटी विभागीय अग्निशमन केंद्राचा एक बाऊजर (बंब) तात्काळ दाखल झाल्याने अग्निशामक दलास वेळेत आग विझविण्यात यश आले. यामुळे होणारी मोठी हानी टळली.

अग्निशामक दलाचे लिडिंग फायरमॅन संजय कानडे, फायरमॅन मंगेश पिंपळे, नितीन म्हस्के, श्रीकांत नागपुरे, राजू पाटील, वाहन चालक अशोक सरोदे, रविंद्र काठे, कांतीलाल कवर, बाळासाहेब लहांगे, ट्रेनी फायरमॅन निलकंठ शिंदे, मेहुल उगले, संकेत वैष्णव व कार्तिक महाले हे उपस्थित होते. या उत्कृष्ट कामगिरीसाठी मनपा आयुक्त, मुख्य अग्निशमन अधिकारी, माजी महापौर रंजना भानसी , एसटी डेपोचे अधिकारी पटेल सर यांनी आग आटोक्यात आणली.