इगतपुरी : शहर, तालुका परिसरात सुरू झालेल्या संततधारेमुळे सर्वाधिक वर्दळीच्या मुंबई आग्रा महामार्गावर वाहनचालक धुक्यातून मार्गक्रमण करीत होते.
मंद आणि हलकेच कोसळणाऱ्या पावसामुळे हौशी पर्यटकांना जणू पर्वणीच मिळाली आहे. तालुक्यातील धरणे ओसंडून वाहू लागल्याने निसर्ग पर्यटकांची गर्दी वाढली आहे. पावसाने चौफेर फटकेबाजी करीत वातावरण बदलून टाकले आहे. मध्येच पावसाच्या जोरदार सरी तर मध्येच धुके दाटत असल्याने एका आल्हाददायक वातावरणाची अनुभूती येत आहे. या वातावरणाचा अनुभव आणि धुक्यात मिसळून जाण्यासाठी येथे पर्यटक दाखल होत आहेत पर्यटकांनी त्र्यंबकराजाच्या चरणी लीन झाल्यानंतर तालुक्यातील निसर्ग पर्यटन अनुभवण्यासाठी कूच केली आहे. भावली, भाम, भंडारदरा धरणाकडे गर्दी वाढली आहे. आज दुपारनंतर पावसाचा वेग कमी झाल्याने मनमुराद आनंद घेत पर्यटकांचे लोंढे दिसत होते. याबरोबरच पहिणे बारीतील सौंदर्य बहरल्याने त्र्यंबकला भेट देणाऱ्या पर्यटकांचा ओघ आता पहिणे बारीकडे वाढला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.