![Unseasonal Rain](http://media.assettype.com/esakal%2F2024-05%2Fe44fb09a-ab25-46dd-b619-64d9ba2727f4%2FNashik_News____2024_05_15T160933_729.jpg?rect=0%2C0%2C1200%2C675&w=480&auto=format%2Ccompress&fit=max)
Nashik News : गेल्या काही दिवसांपासून वळिवाचा पाऊस सुरू असून, काही मिनिटांतच जोरदार पाऊस बरसतो आहे. सोमवारी (ता.१३) मध्यरात्री एकच्या सुमारास शहर परिसरात बेमोसमी पावसाने जोरदार हजेरी लावली. सुमारे साडेसात मिलिमीटर पावसाची नोंद घेण्यात आली. दरम्यान मंगळवारी (ता.१४) दिवसभर ढगाळ वातावरण राहिले.
कमाल तापमानात चार अंशांची वाढ झाली आहे. उन्हाळ्यापासून त्रस्त नागरिकांना वळिवाच्या पावसामुळे काही प्रमाणात दिलासा मिळालेला आहे. चाळीस अंश सेल्सिअसपर्यंत झेपावलेला पारा सध्या नियंत्रणात होता. परंतु ढगाळ वातावरणामुळे उकाडा जाणवत असताना, पारादेखील पुन्हा वाढला आहे.
सोमवारी (ता.१३) कमाल तापमान ३३.८ अंश सेल्सिअस असताना, मंगळवारी (ता.१४) तब्बल चार अशांची वाढ होऊन कमाल तापमान ३७.८ अंश सेल्सिअस नोंदविले गेले आहे. विशेष म्हणजे किमान तापमानात घसरण झाली आहे. (latest marathi news)
नाशिकचे किमान तापमान २५ अंश सेल्सिअसपर्यंत पोचले होते. मात्र मंगळवारी (ता.१४) नाशिकचे किमान तापमान २१.४ अंश सेल्सिअस नोंदविले गेले आहे. दरम्यान, मध्यरात्री सुमारे अर्धा तास जोरदार पाऊस बरसला.
साडेसात मिलिमीटर पावसाची नोंद घेण्यात आली. मंगळवारीदेखील दिवसभर ढगाळ वातावरण राहिले व वातावरणात वारे वाहत होते. परंतु सायंकाळी उशिरापर्यंत पाऊस बरसला नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.