नाशिक : गेल्या दोन-तीन दिवसांपासून मोठ्या प्रमाणात पालखेड धरणाच्या पाणलोट क्षेत्रात पाऊस होत असल्याने कादवा नदीला पूर आला असून रवळस पिंपरी जवळील पातळी पूल पाण्याखाली गेला आहे. यामुळे निफाड सहकारी साखर कारखान्यावर जाणारा मार्ग बंद झाल्याने अनेक गावांचा संपर्क तुटला आहे.
निफाड तालुक्यातील कादवा नदीला पालखेड धरणातून आज सकाळी नऊ वाजेच्या दरम्यान 20770 क्युसेक पाण्याचा विसर्ग करण्यात आल्याने कादवा नदी पात्रात प्रचंड प्रमाणात पाण्याची आवक झाली. त्यामुळे प्रशासनाने दखल घेत रवळस येथून निफाड सहकारी साखर कारखान्याकडे जाणाऱ्या मार्गात बॅरिकेट टाकून प्रशासनाने सतर्कता म्हणून आधीच मार्ग बंद केला होता. दरम्यान पालखेड धरणाचे पाणी नदीपात्रात आल्याने पातळी पूल पाण्याखाली गेला आहे. त्यामुळे या मार्गावरून प्रवास करणाऱ्या प्रवाशांना जवळपास 20 किलोमीटरचा फेरा पडणार आहे. असाच पाऊस चालू राहिल्यास या पावसाचा फटका परिसरातील वाहनधारक तसेच नागरिकांना बसणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
