नाशिक : गोदेची पाणीपातळी सहा दिवसांनंतरही कमी झालेली नाही. त्यातच गंगापूर धरणाच्या (Gangapur dam) पाणलोट क्षेत्रात कमी अधिक प्रमाणात पाऊस सुरूच असल्याने यंत्रणांकडून अद्यापही पाण्याचा मोठा विसर्ग होण्याची शक्यता गृहित धरून गंगाघाटावर मोठ्या प्रमाणावर असलेल्या अनेक बेघर कुटुंबांनी गणेशवाडीतील भाजी मंडईत आश्रय घेतला आहे. (homeless took shelter of Ganeshwadi vegetable market nashik Latest marathi news)
सध्या या मंडईच्या अर्ध्या भागात भाजीविक्रेते बसतात, तर निम्या जागेत हे बेघर आश्रयाला आले आहेत. यात वृद्ध, महिला, लहान मुले यांची संख्या मोठी आहे. यातील अनेकजण परिसरातच प्रार्तविधीला जात असल्याने मंडईत दुर्गंधी पसरली आहे.
शहरातील काही स्वयंसेवी संस्था, दानशूर नागरिक यांच्याकडून सकाळी व सायंकाळी या लोकांना अन्नदान करण्यात येते. याशिवाय गाडगे महाराज धर्मशाळेचे अन्नछत्र, रामकुंडावरील साई सेवाधाम यांच्याकडूनही मोठ्या प्रमाणात अन्नदान केले जाते.
त्यामुळे या वर्गाच्या अन्नाचा प्रश्‍न मिटलेला असला तरी भाजी मंडईतील कचरा, घुशींनी काढलेली मोठी बिळे यामुळे येथे वास्तव्यास असलेल्यांच्या आरोग्याचा प्रश्‍नही उपस्थित होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
