Nashik News : महापालिकेच्या नाशिक रोड विभागातील रुग्णालये तसेच विभागीय कार्यालयांमध्ये पाच पथकांच्या माध्यमातून करण्यात आलेल्या तपासणी मध्ये २८ कर्मचारी गैरहजर आढळून आले. (Hospital staff absent in team inspection Nashik News)
महापालिकेचे अधिकारी व कर्मचारी वरिष्ठ अधिकारी नसल्याने कामावर हजर राहत नसल्याच्या तक्रारी प्राप्त झाल्या होत्या. त्याअनुषंगाने महापालिकेचे प्रभारी आयुक्त राधाकृष्ण गमे यांनी प्रशासन उपायुक्त मनोज घोडे-पाटील यांना तपासणीच्या सूचना दिल्या.
मागील दोन दिवसात १४ अधिकारी व कर्मचाऱ्यांवर एक दिवसाचे वेतन कपात करण्याची कारवाई करण्यात आली. गुरुवारी (ता.१८) पुन्हा पाच पथकांच्या माध्यमातून तपासणी कण्यात आली.
हेही वाचा : Credit Card फसवणूक....काय घ्याल काळजी?
अतिरिक्त आयुक्त प्रदीप चौधरी यांनी नाशिक रोड विभागीय कार्यालयात तपासणी केली असता, १२ कर्मचारी गायब आढळून आले. बिटको रुग्णालयातही दोन कर्मचारी गैरहजर आढळून आले. तर प्रशासन उपायुक्त घोडे-पाटील यांनी पश्चिम विभागीय कार्यालयात अचानक तपासणी केली असता, पाच कर्मचारी गैरहजर आढळून आले आहेत.
सहाय्यक वैद्यकीय अधिकारी डॉ. अजिता साळुंखे यांच्या नेतृत्वाखालील तीन पथकांनी तीन रुग्णालयांना भेटी दिल्यानंतर नऊ कर्मचारी गैर हजर आढळले. गैरहजर आढळलेल्या कर्मचाऱ्यांचे एक दिवसाचे वेतनात कपात केली जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
