नाशिक : देव्हाऱ्यातील दिव्यामुळे घराला आग; लाखोंचे नुकसान

सिडको (नाशिक) : देव देव्हाऱ्यात नाही, देव नाही देवालयी, देव चोरून नेईल, अशी कोणाची पुण्याई या उक्तीची अंमलबजावणी केली असती, तर कदाचित देव्हाऱ्याला आग लागून घरातील लाखो रुपयांचे नुकसान झाले नसते, अशा प्रकारची चर्चा आता अंबड परिसरातील एका घराला लागलेल्या आगीच्या ठिकाणी ऐकायला मिळाली. (House caught fire)

...तर ही दुर्घटना घडली नसती

अंबड येथील एक्सलो पॉईंटजवळील रामकृष्णनगरमध्ये रितेश सिंग यांच्या रो हाऊसमधील वरील रूममध्ये त्यांच्या परिवारातील सदस्यांनी देव्हाऱ्यात दिवा लावला व ते शनिवारी रात्री पाथर्डी फाटा येथील त्यांच्या भावाकडे मुक्कामी निघून गेले. रविवारी सकाळी साडेसातला घरी आल्यानंतर आग लागल्याचे त्यांना कळाले. अग्निशमन दलाने तत्काळ घटनास्थळी धाव घेऊन आग विझविली. या आगीत देव्हारा, फर्निचर, २५ हजारांची रोकड खाक झाली. रात्री दिवा न लावता परिवारातील सदस्य बाहेर निघून गेले असते, तर कदाचित ही दुर्घटना घडली नसती, अशी चर्चा आता तेथील नागरिकांमध्ये ऐकाला मिळत आहे. अग्निशमन दलाचे एम. पी. अहिरे, एम. एन. मधे, प्रमोद लहामगे, एस. जी. भालेराव, एस. बी. शिलावट आदी उपस्थित होते.